દિવંગત સેલિબ્રિટી મેનેજર દિશા સાલિયાનના પિતાએ ગુરુવારે સેન્ટ્રલ બ્યુરો ઓફ ઇન્વેસ્ટિગેશન (CBI)ની બાંદ્રા-કુર્લા કોમ્પ્લેક્સ સ્થિત ઓફિસની મુલાકાત લીધી હતી અને તપાસ અધિકારીને એક પેન ડ્રાઇવ સોંપી હતી.
સાલિયાનના વકીલોમાંના એક, એ. અગ્રવાલે જણાવ્યું હતું કે ગુરુવારે સતીશ સાલિયાન દ્વારા આપવામાં આવેલી પેન ડ્રાઇવમાં એક પ્રત્યક્ષદર્શીનું નિવેદન હતું, જેમાં ખુલાસો થયો હતો કે દિશાની “હત્યા” કેવી રીતે કરવામાં આવી હતી. તેમણે કહ્યું કે કથિત પ્રત્યક્ષદર્શી “ગુનાના સ્થળે” હાજર હતા અને હવે જ્યારે ઝ્રમ્ૈં પાસે સાલિયાન દ્વારા પૂરી પાડવામાં આવેલી પેન ડ્રાઇવનો પુરાવો છે, ત્યારે એવી અપેક્ષા છે કે એજન્સી આ કેસમાં આરોપીઓની ધરપકડ કરવાની કાર્યવાહી આગળ વધારશે અને આ પુરાવો તપાસમાં મદદરૂપ થશે.
વકીલના જણાવ્યા અનુસાર, સાલિયાન પાસેથી પેન ડ્રાઇવ મળ્યા બાદ ઝ્રમ્ૈં અધિકારીઓએ તેમની પ્રયોગશાળામાં તેની તપાસ કરાવી, તેમાં રહેલી વિગતોનો અહેવાલ તૈયાર કર્યો અને પ્રક્રિયા મુજબ બે સ્વતંત્ર સાક્ષીઓની હાજરીમાં તેને જપ્ત કરવાની કાર્યવાહી કરી.
વકીલે જણાવ્યું હતું કે CBI અધિકારીઓએ સાલિયાનને પેન ડ્રાઇવ જપ્તીના અહેવાલની નકલ પણ સોંપી હતી, જેના પર સાલિયાન અને સાક્ષીઓની સહીઓ હતી. પેન ડ્રાઇવમાં ચાર ફાઇલો છે, જેમાં કથિત પ્રત્યક્ષદર્શીનું નિવેદન અને “વીડિયો પુરાવા”નો સમાવેશ થાય છે; વકીલે દાવો કર્યો હતો કે આનાથી કથિત ગુના સંબંધિત ઘટનાક્રમ જાણી શકાય છે. કેસની સંવેદનશીલતા અને પ્રત્યક્ષદર્શીની ગોપનીયતા જાળવવાની જરૂરિયાતને ટાંકીને વકીલે વધુ વિગતો આપવાનો ઇનકાર કર્યો હતો અને ઉમેર્યું હતું કે ગુરુવારે રજૂ કરાયેલા પુરાવા ઘણા આરોપીઓ સાથે જાેડાયેલા હતા.
દિશા, જેમણે અભિનેતા સુશાંત સિંહ રાજપૂત સાથે ટૂંકા ગાળા માટે કામ કર્યું હતું, તેમનું ૯ જૂન, ૨૦૨૦ના રોજ સવારે લગભગ ૨:૨૫ વાગ્યે મલાડમાં એક બિલ્ડિંગના ૧૨મા માળેથી પડી જવાથી મૃત્યુ થયું હતું.
માલવણી પોલીસે ૨૦૨૦માં આ ઘટનાના સંબંધમાં આકસ્મિક મૃત્યુનો અહેવાલ નોંધ્યો હતો અને તારણ કાઢ્યું હતું કે તે આત્મહત્યા હતી અને તેમાં કોઈ શંકાસ્પદ પ્રવૃત્તિ (ર્કેઙ્મ ॅઙ્મટ્ઠઅ) હોવાના કોઈ પુરાવા મળ્યા ન હતા. ડિસેમ્બર ૨૦૨૩માં રાજ્ય સરકાર દ્વારા રચવામાં આવેલી સ્પેશિયલ ઇન્વેસ્ટિગેશન ટીમને પણ દિશાના મૃત્યુમાં કોઈ શંકાસ્પદ પ્રવૃત્તિ જણાઈ ન હતી. જાેકે, ગયા વર્ષે દિશાના પિતા સતીશ સાલિયને હાઈકોર્ટનો સંપર્ક કર્યો હતો અને દાવો કર્યો હતો કે તેમની પુત્રી પર જાતીય હુમલો કરવામાં આવ્યો હતો અને તેની હત્યા કરવામાં આવી હતી. તેમના વકીલ, એડવોકેટ નિલેશ ઓઝાએ દલીલ કરી હતી કે દિશાનું મૃત્યુ એ “શક્તિશાળી લોકોની સંડોવણી ધરાવતા ઊંડા કાવતરા”નું પરિણામ હતું અને તેની સાથે ક્રૂર જાતીય હુમલો કરવામાં આવ્યો હતો અને તેની હત્યા કરવામાં આવી હતી.
તપાસના પ્રથમ પગલા તરીકે, ઝ્રમ્ૈંએ ૧૧ સપ્ટેમ્બરના રોજ હ્લૈંઇ (પ્રાથમિક માહિતી અહેવાલ) નોંધવા માટે સાલિયનનું નિવેદન નોંધ્યું હતું. તે દિવસે સાલિયનના વકીલ, એડવોકેટ નિલેશ ઓઝાએ દાવો કર્યો હતો કે, “ચતેમના અસીલ સાલિયનનાૃ નિવેદનના મુખ્ય મુદ્દાઓ એ હતા કે દિશા સાલિયન પર સામૂહિક બળાત્કાર ગુજારવામાં આવ્યો હતો અને ત્યારબાદ તેની હત્યા કરવામાં આવી હતી, અને આ ગુનાઓને છુપાવવા માટે પ્રયાસો (કવર-અપ) કરવામાં આવ્યા હતા, જેમાં તે સમયના કેટલાક પોલીસ અધિકારીઓ પણ સામેલ હતા.” ઓઝાએ આક્ષેપ કર્યો હતો કે આ કેસમાં અનેક હાઈ-પ્રોફાઈલ વ્યક્તિઓ અને એક ભૂતપૂર્વ પોલીસકર્મીની ભૂમિકા હતી.
બોમ્બે હાઈકોર્ટના ૨ સપ્ટેમ્બરના આદેશ મુજબ, ઝ્રમ્ૈંના દિલ્હી યુનિટે પિતાના નિવેદનના આધારે ૧૩ સપ્ટેમ્બરના રોજ મૃત્યુની તપાસ માટે કેસ નોંધ્યો હતો. આ હ્લૈંઇ ભારતીય દંડ સંહિતા (ૈંઁઝ્ર)ની સંબંધિત કલમો હેઠળ નોંધવામાં આવી હતી, જેમાં ગુનાહિત કાવતરું, સામૂહિક બળાત્કાર, હત્યા, પુરાવા નાબૂદ કરવા અથવા ગુનેગારોને બચાવવા માટે ખોટી માહિતી આપવી, સજામાંથી બચાવવાના ઈરાદે કાયદાના નિર્દેશોનું ઉલ્લંઘન કરતા જાહેર સેવકો, અને સજામાંથી બચાવવાના ઈરાદે ખોટા રેકોર્ડ બનાવતા જાહેર સેવકો જેવા શંકાસ્પદ ગુનાઓનો સમાવેશ થાય છે.