નવીદિલ્હી
અમેરિકાના એક અગ્રણી સાંસદે શુક્રવારે યુએસ કોંગ્રેસમાં વિશેષ બિલ રજૂ કર્યું હતું. જેમાં તેમણે પ્રકાશનો ઉત્સવ દિવાળીને રાષ્ટ્રીય રજા તરીકે જાહેર કરવાની માંગ કરી છે. દેશભરના વિવિધ સમુદાયોએ તેમના આ પગલાને આવકાર્યું છે. હાઉસ ઓફ રિપ્રેઝન્ટેટિવ્સમાં બિલ રજૂ કર્યા બાદ વર્ચ્યુઅલ પ્રેસ કોન્ફરન્સ દરમિયાન મહિલા સાંસદ ગ્રેસ મેંગે કહ્યું કે વિશ્વભરમાં મોટી સંખ્યામાં લોકો દિવાળીના તહેવારની ઉજવણી કરે છે. અમેરિકામાં પણ તે અસંખ્ય પરિવારો માટે આ ખાસ દિવસ હોવાથી રજા જાહેર કરવી જાેઈએ. દિવાળી ડે એક્ટ યુએસ સંસદમાં પસાર થયા બાદ અને રાષ્ટ્રપતિ દ્વારા હસ્તાક્ષર થયા પછી તેને અમેરિકાની ૧૨મી રાષ્ટ્રીય રજા તરીકે જાહેર કરવામાં આવશે. ગ્રેસે કહ્યું કે એકવાર દિવાળીને રાષ્ટ્રીય રજા જાહેર કરવામાં આવે તો પરિવારો અને મિત્રોને સાથે મળીને ઉજવણી કરવાની મંજૂરી આપવામાં આવશે. આનાથી એવો સંદેશ પણ જશે કે સરકાર દેશની સાંસ્કૃતિક વિવિધતાને મહત્ત્વ આપે છે. તેમણે વધુમાં જણાવ્યું હતું કે દિવાળી પર ક્વીન્સમાં ખૂબ જ સારો માહોલ છે. દર વર્ષે તે જાેઈ શકાય છે કે આ દિવસ ઘણા લોકો માટે કેટલો મહત્વપૂર્ણ છે. ગ્રેસે કહ્યું કે વિવિધ સંસ્કૃતિઓ અને સમુદાયોમાંથી મેળવેલ અનુભવ અમેરિકાની તાકાત છે. ગ્રેસ મેંગે કહ્યું કે મારો દિવાળી ડે એક્ટ તમામ અમેરિકનોને આ દિવસનું મહત્વ જણાવવાનો પ્રયાસ છે. હવે હું આશા રાખું છું કે આ બિલ કોંગ્રેસ જલદીથી પસાર કરે. આ પગલાને આવકારતા, ન્યૂયોર્ક એસેમ્બલી વુમન જેનિફર રાજકુમારે જણાવ્યું હતું કે, “આ વર્ષે અમે અમારા સમગ્ર રાજ્યને દિવાળીના સમર્થનમાં અને દક્ષિણ એશિયાઈ સમુદાયની માન્યતાના સમર્થનમાં બોલતા જાેયા છે. આ સાથે, તેમણે મેંગની પણ પ્રશંસા કરી અને કહ્યું કે તે રાષ્ટ્રીય સ્તરે દિવાળીને રાષ્ટ્રીય રજા બનાવવા માટે તેના આંદોલનને લઈ જઈ રહ્યા છે. જેનિફરે કહ્યું કે અમે એ પણ બતાવી રહ્યા છીએ કે દિવાળી અમેરિકન રજા છે. દિવાળીની ઉજવણી કરતા ૪૦ લાખથી વધુ અમેરિકનોને સરકાર જાેઈ અને સાંભળી રહી છે. જેને લઈને અમેરિકામાં રહેતા હિન્દુ સમુદાયમાં ઉજવણીનો માહોલ છે. હિંદુઝ ફોર હ્યુમન રાઈટ્સના પોલિસી ડાયરેક્ટર રિયા ચક્રવર્તીએ કહ્યું કે હિંદુ અમેરિકન તરીકે અમે આ દિવાળી બિલ જાેઈને ખૂબ જ ખુશ છીએ. તે જ સમયે, આંતરરાષ્ટ્રીય અહિંસા ફાઉન્ડેશનના સ્થાપક અને પ્રમુખ ડૉ. નીતા જૈને કહ્યું કે અમેરિકન પબ્લિક સ્કૂલોમાં દિવાળીને રજા તરીકે ઓળખવાનો આ યોગ્ય સમય છે. તેમણે કહ્યું કે અમારા બાળકો સાથે સમાન વ્યવહાર થવો જાેઈએ. અમારા બાળકો અન્ય સંસ્કૃતિની ઉજવણી કરે છે. અન્ય લોકોએ પણ અમારી સંસ્કૃતિની ઉજવણી કરવી જાેઈએ અને આપણી સંસ્કૃતિ વિશે શીખવું જાેઈએ. આ એકમાત્ર રસ્તો છે જે આપણે બાળકોને પરસ્પર આદર, પરસ્પર સમજણ અને પરસ્પર સ્વીકૃતિ શીખવી શકીએ છીએ. ન્યૂયોર્ક એસેમ્બલીના સભ્ય જેનિફર રાજકુમારે મેંગના આ પગલાને આવકાર્યું છે. બિલને આવકારતાં તેમણે કહ્યું, “આ વર્ષે અમે જાેયું છે કે આપણું આખું રાજ્ય દિવાળીના સમર્થનમાં અને દક્ષિણ એશિયન સમુદાયની માન્યતાના સમર્થનમાં એક અવાજે બોલી રહ્યું છે. મારા સહયોગી મેંગ હવે દિવાળીને સંઘીય રજા જાહેર કરવા માટે તેમના સીમાચિહ્નરૂપ કાયદા સાથે ચળવળને રાષ્ટ્રીય સ્તરે લઈ જઈ રહી છે. વડાપ્રધાન મોદી ૨૧ થી ૨૪ જૂન દરમિયાન યુએસની સત્તાવાર મુલાકાતે હશે. અમેરિકી રાષ્ટ્રપતિ જાે બિડેન અને તેમની પત્ની જીલ બિડેન પણ ઁસ્ મોદીના સન્માનમાં ૨૨ જૂને વ્હાઇટ હાઉસમાં રાજ્ય ભોજન સમારંભનું આયોજન કરશે. ભારતના વડાપ્રધાનને ૨૧ તોપોની સલામી આપવામાં આવશે.
