સુરંગમાંથી બહાર આવવાની આશામાં દરેક ક્ષણે મોત સાથે લડી રહ્યા છે ૪૦ મજૂરો
ઉત્તરકાશીમાં સુરંગની બહાર ઉભેલો દરેક વ્યક્તિ પ્રાર્થના કરી રહ્યો છે, રાહત ટીમો બચાવ કાર્યમાં વ્યસ્ત છે અને અંદર ફસાયેલા ૪૦ મજૂરો બહાર આવવાની આશામાં દરેક ક્ષણે મોત સાથે લડાઈ લડી રહ્યા છે. ઉત્તરાખંડની આ ટનલ સમગ્ર દેશની આશાનું કેન્દ્ર બની ગઈ છે. રાહત ટીમ અને કામદારો વચ્ચે કાટમાળની ૭૦ મીટર પહોળી દિવાલ છે. વારંવાર રાહત ટીમ કામદારો સુધી પહોંચશે તેવી આશા છે, પરંતુ દરેક વખતે નિરાશા જ હાથ લાગી છે. સમસ્યા એ છે કે હવે અંદર ફસાયેલા કામદારોએ પણ ધીરજ ગુમાવવી શરૂ કરી દીધી છે અને બહારના તેમના સાથીદારો પણ જવાબદારો પર પોતાનો ગુસ્સો ઠાલવતા પાછા નથી રહ્યા. ઉત્તરકાશીમાં સિલ્ક્યારા ટનલ તૂટી પડતાં ૪૦ મજૂરો ફસાયા હતા.
આ અકસ્માત ૧૨ નવેમ્બરે સવારે ચાર વાગ્યે થયો હતો. ત્યારથી આ કામદારોને બહાર કાઢવાના સતત પ્રયાસો થઈ રહ્યા છે. હવે બચાવ કાર્ય માટે અમેરિકન ઓગર્સ મશીનો તૈનાત કરવામાં આવી છે. રાહત ટીમનો દાવો છે કે જાે બધું બરાબર રહ્યું તો ૧૦ થી ૧૫ કલાકમાં કામદારોને બચાવી લેવામાં આવશે. આ માટે સ્ટીલ પાઇપની મદદ લેવામાં આવશે. આ પાઇપની મદદથી કામદારો બહાર આવશે.. ૧૨ નવેમ્બરે થયેલા અકસ્માત પછી, આશા આ રીતે વધતી રહી અને મરી રહી.. જેમાં દુર્ઘટના બાદ સૌપ્રથમ રેસ્ક્યુ ટીમે ટનલમાંથી કાટમાળ હટાવવાનો પ્રયાસ કર્યો હતો.કામદારોને લાગ્યું કે તેઓ સુરક્ષિત બહાર આવી જશે, પરંતુ કાટમાળ હટાવી શકાયો ન હતો. આ પછી, કાટમાળમાં ડ્રિલ કરેલી પાઇપ દ્વારા કામદારોને ખોરાક, પાણી અને ઓક્સિજન પૂરો પાડવામાં આવ્યો. ૧૪ નવેમ્બરના રોજ, રાહત અને બચાવ ટીમે ફરી એકવાર કામદારોને બહાર કાઢવાનો પ્રયાસ કર્યો, આ વખતે ૩૫ ઇંચ વ્યાસની સ્ટીલની પાઇપ નાખવાનો પ્રયાસ કરવામાં આવ્યો જેથી કામદારો તેના દ્વારા બહાર આવી શકે.
આ માટે ઓગર ડ્રિલિંગ મશીન અને હાઇડ્રોલિક જેકની મદદ લેવામાં આવી હતી, પરંતુ આ પ્રયાસ પણ સફળ થયો ન હતો. તેનું કારણ એ હતું કે આ કામદારો કાટમાળ નીચે માત્ર ૪૫ મીટર સુધી જઈ શક્યા હતા. આ સિવાય એસ્કેપ ટનલ બનાવતી વખતે આ મશીન પણ બગડી ગયું હતું. ૧૫ નવેમ્બરના રોજ, ટનલની બહાર એકઠા થયેલા કામદારોની ધીરજ છૂટવા લાગી. આ કામદારોએ બચાવ કામગીરીમાં વિલંબનો આરોપ લગાવીને હંગામો મચાવ્યો, ત્યારબાદ બચાવ ટીમે તેના પ્રયાસો બદલ્યા અને દિલ્હીથી અમેરિકન ઓગર મશીન મંગાવ્યું. ૧૬ નવેમ્બરની સવારે, ભારતીય વાયુસેનાની ટીમ અમેરિકન ઓગર મશીન સાથે હર્ક્યુલસ એરક્રાફ્ટમાં ઉત્તરાખંડ પહોંચી, ત્યારબાદ તેને સ્થાપિત કરવાની પ્રક્રિયા શરૂ થઈ અને ફરી એકવાર બચાવ કામગીરી શરૂ કરવામાં આવી. હવે તમામ આશાઓ આ પ્રયાસ પર ટકેલી છે… આ ઓગર (છેખ્તીજિ સ્ટ્ઠષ્ઠરૈહી) મશીનની વિશેષતા વિષે જાણકારી આપીએ તો, સુરંગમાંથી કામદારોને બહાર કાઢવા માટે, ઓગર મશીનને ગુરુવારે સવારે ભારતીય વાયુસેનાના વિમાન દ્વારા ઉત્તરાખંડ લઈ જવામાં આવ્યું હતું.
નેશનલ હાઈવે એન્ડ ઈન્ફ્રાસ્ટ્રક્ચર ડેવલપમેન્ટ કોર્પોરેશન લિમિટેડ એટલે કે દ્ગૐૈંડ્ઢઝ્રન્ના ડાયરેક્ટર અંશુ મનીષ ખાલખોના જણાવ્યા અનુસાર, આ મશીન ૨૫ ટન વજનનું છે, જે પ્રતિ કલાક પાંચથી છ મીટરની ઝડપે ડ્રિલ કરી શકે છે. જાે કે, તે ટનલની સ્થિતિ, કાટમાળના પ્રકાર અથવા તેના વધુ ડૂબી જવાની કેટલી શક્યતાઓ છે તેના પર આધાર રાખે છે. જાે કે, તેઓ દાવો કરે છે કે જાે મશીનો સાથે કામ કરવામાં આવશે, તો આ કામદારોને આગામી ૧૨ થી ૧૫ કલાકમાં સુરક્ષિત રીતે બહાર લાવવામાં આવશે. ગુરુવારે અમેરિકન ઓગર મશીન લગાવ્યા બાદ સીએમ પુષ્કર સિંહ ધામીએ અધિકારીઓ સાથે બેઠક પણ કરી હતી. આ સિવાય કેન્દ્રીય મંત્રી વીકે સિંહ ગુરુવારે ઉત્તરકાશી પહોંચ્યા અને સુરંગનું નિરીક્ષણ કર્યું. તેમણે જણાવ્યું કે કામદારો ટનલની અંદર ૨ કિમીના વિસ્તારમાં છે. ત્યાં ખોરાક અને પાણી મોકલવામાં આવી રહ્યું છે, અમેરિકન ઓગર મશીન કામ કરવાનું શરૂ કરી દીધું છે જે જૂના મશીન કરતાં ઘણું સારું છે.
બચાવ કાર્ય માટે થાઈલેન્ડના નિષ્ણાતોની મદદ લેવામાં આવી રહી છે. જેમાં નેશનલ હાઈવે એન્ડ ઈન્ફ્રાસ્ટ્રક્ચર ડેવલપમેન્ટ કોર્પોરેશન લિમિટેડ (દ્ગૐૈંડ્ઢઝ્રન્) ઉપરાંત દ્ગડ્ઢઇહ્લ, જીડ્ઢઇહ્લ, બોર્ડર રોડ ઓર્ગેનાઈઝેશન અને ૈં્ઁ સહિત ૨૦૦ થી વધુ લોકોની ટીમ ઉત્તરકાશીમાં બચાવ કાર્ય માટે સતત કાર્યરત છે. રાહત ટીમ થાઈલેન્ડ, નોર્વે સહિત અન્ય દેશોના નિષ્ણાતોની સતત મદદ લઈ રહી છે, ટીમ થાઈલેન્ડના નિષ્ણાતના પણ સંપર્કમાં છે, જેમણે ૧૮ દિવસથી ગુફામાં ફસાયેલી ફૂટબોલ ટીમનો જીવ બચાવ્યો હતો.
