ભારતીય સેના દ્વારા તાત્કાલિક ધોરણે પૂરી પાડેલી રાહત બદલ લોકોએ આભાર વ્યક્ત કર્યો
ભારતીય સેનાના જવાનોએ બુધવારે પૂર્વ સિક્કિમમાં ઊંચાઈવાળા વિસ્તારોમાં ફસાયેલા ૮૦૦ થી વધુ પ્રવાસીઓને બચાવ્યા. અધિકારીઓના જણાવ્યા અનુસાર, વૃદ્ધ લોકો, મહિલાઓ અને બાળકો સહિત આ પ્રવાસીઓ હિમવર્ષા અને ખરાબ હવામાનને કારણે પૂર્વ સિક્કિમના વિવિધ વિસ્તારોમાં ફસાયેલા હતા. તેમણે કહ્યું કે ભારતીય સેનાના ત્રિશક્તિ કોર્પ્સ દ્વારા હાથ ધરવામાં આવેલ બચાવ કામગીરી મોડી સાંજ સુધી ચાલુ રહી અને તમામ ફસાયેલા પ્રવાસીઓને સુરક્ષિત વિસ્તારોમાં લઈ જવામાં આવ્યા. અધિકારીઓએ જણાવ્યું હતું કે તમામ પ્રવાસીઓને આશ્રય, ગરમ કપડાં, તબીબી સહાય અને ગરમ ખોરાક આપવામાં આવ્યો હતા.
તેમણે કહ્યું કે સૈનિકોએ ફસાયેલા પ્રવાસીઓને સમાવવા માટે તેમની બેરેક ખાલી કરી.. સેનાએ ફસાયેલા પ્રવાસીઓને બચાવ્યા- વાસ્તવમાં, બુધવારે બપોરે હિમવર્ષા અને ખરાબ હવામાનને કારણે, વૃદ્ધ લોકો, મહિલાઓ અને બાળકો સહિત ૮૦૦ થી વધુ પ્રવાસીઓ પૂર્વ સિક્કિમના ઊંચાઈવાળા વિસ્તારોમાં ફસાઈ ગયા હતા. આ પછી, ત્રિશક્તિ કોર્પ્સના જવાનો તરત જ એક્શનમાં આવ્યા અને ફસાયેલા પ્રવાસીઓને બચાવ્યા. પ્રવાસીઓ માટે રાહત અને આરામ- સૈનિકોના ત્વરિત પ્રતિસાદથી ખરાબ હવામાનની સ્થિતિમાં ફસાયેલા પ્રવાસીઓને રાહત અને આરામ મળ્યો. ફસાયેલા પ્રવાસીઓએ આર્મી દ્વારા આપવામાં આવેલી તાત્કાલિક રાહત બદલ ઊંડો આભાર વ્યક્ત કર્યો હતો.
ભારતીય સેના હિમાલયના ઊંચાઈવાળા વિસ્તારોમાં સરહદની રક્ષા કરતી વખતે પ્રવાસીઓ અને સ્થાનિક વસ્તીને મદદ પૂરી પાડવા સક્રિય રહે છે. સૈનિકો તેમની બેરેક ખાલી કરે છે- બચાવ કાર્ય હજુ પણ ચાલુ છે અને પ્રવાસીઓને સુરક્ષિત વિસ્તારોમાં લઈ જવામાં આવી રહ્યા છે. તેમજ આશ્રય, ગરમ કપડાં, તબીબી સહાય અને ગરમ ખોરાક આપવામાં આવી રહ્યો છે. ફસાયેલા પ્રવાસીઓને રહેવા માટે સૈનિકોએ તેમની બેરેક ખાલી કરી.
