પૂજારીએ કહ્યું, “૪૮ કલાકમાં મૂર્તિ પરત નહીં મળે તો આમરણાંત ઉપવાસ કરીશ”
બિહારમાં ચોરોની હિંમત વધી છે. આ પછી ભગવાન પણ સુરક્ષિત નથી. છાપરામાં મૂર્તિ ચોરોએ રામ, લક્ષ્મણ, સીતા અને લડ્ડુ ગોપાલની ૫૦૦ વર્ષથી વધુ જૂની અષ્ટધાતુની મૂર્તિઓની ચોરી કરી છે. ચોરાયેલી મૂર્તિઓની કિંમત ૩ કરોડ રૂપિયા હોવાનું કહેવાય છે. ઘટના વિશે જણાવવામાં આવી રહ્યું છે કે સોમવારે મોડી રાત્રે બનિયાપુર પોલીસ સ્ટેશન વિસ્તારના ઠાકુરબારીમાંથી મૂર્તિની ચોરી થઈ હતી. મંગળવારે સવારે જ્યારે પૂજારી મંદિરના ગર્ભગૃહ ખોલવા ગયા ત્યારે મંદિરની ગ્રીલ તુટી હતી અને ત્રણેય મૂર્તિઓ ગાયબ હતા.પૂજારીએ આ અંગે લોકોને જાણ કરી. ત્યારપછી સ્થાનિક લોકોએ પોલીસ પ્રશાસનને જાણ કરી હતી.જે પછી પોલીસ ઘટનાસ્થળે પહોંચી હતી અને મામલાની તપાસ શરૂ કરી હતી. અહીં ઠાકુરબારીમાંથી મૂર્તિઓની ચોરીના સમાચાર જંગલની આગની જેમ ફેલાઈ ગયા. ત્યાં લોકોનું ટોળું એકઠું થયું.
ઘટના અંગે સ્થાનિક લોકોએ જણાવ્યું કે આ મૂર્તિ ૫૦૦ વર્ષથી વધુ જૂની છે. લોકોએ કહ્યું કે મૂર્તિઓની કિંમત ૩ કરોડ રૂપિયાથી વધુ છે. તે જ કિસ્સામાં, ઠાકુરબારી મંદિરના મુખ્ય પૂજારી રામેશ્વર દાસે જણાવ્યું કે દરરોજની જેમ તેઓ સોમવારે રાત્રે આરતી કરી અને સૂઈ ગયા. મંગળવારે સવારે પૂજા માટે દરવાજાે ખોલવામાં આવ્યો ત્યારે મૂર્તિઓ ગાયબ હતી. ત્યારબાદ આ અંગેની માહિતી ગ્રામજનો અને પોલીસને આપવામાં આવી હતી. પૂજારી રામેશ્વર દાસે કહ્યું કે જાે ૪૮ કલાકમાં મૂર્તિ પરત નહીં મળે તો તેઓ આમરણાંત ઉપવાસ કરશે.
બનિયાપુરના એસએચઓ ઓમપ્રકાશ ચૌહાણે જણાવ્યું કે ઠાકુરબારીમાંથી મૂર્તિ ચોરીનો મામલો સામે આવ્યો છે.સ્થાનિક લોકોની ફરિયાદ પર કેસ નોંધવામાં આવી રહ્યો છે. પોલીસ શક્ય તેટલી વહેલી તકે આ બાબતનો ખુલાસો કરશે અને તમામ ગુમ થયેલી મૂર્તિઓ પરત મેળવશે.
