લોકસભાની ચૂંટણી આચારસંહિતના અમલીકરણના પડઘમ વચ્ચે જામ્યુકોની સ્ટેન્ડીંગ કમીટીની વધુ એક બેઠક ગુરૂવારે બપોરે મળી હતી. જેમાં જામનગર-ખંભાળિયા માર્ગ પર રૂ.2.98 કરોડના ખર્ચે સિવીક સેન્ટર બનાવવાના કામને મંજૂરી આપવામાં આવી છે. રૂ.35 કરોડથી વધુના મંજૂર થયેલા 63 માંથી 29 સીસીરોડના કામનો સમાવેશ કરાયો છે. ટીપી સ્કીમ-1 માં મળેલી જમીન મનપાને ફાળવવાની દરખાસ્ત જનરલ બોર્ડમાં મોકલવામાં આવી છે.
જામ્યુકોની ગુરૂવારે મળેલી સ્ટેન્ડીંગ કમીટીની બેઠકમાં શરૂ સેકશન રોડ 30 મીટર પહોળો ડીપીરોડ તથા સત્યસાંઇ શાળા તરફનો 18 મીટર પહોળો ડીપી રોડમાં કપાત થતી જમીન સામે ટીપી સ્કીમ નં.1 વિસ્તારમાં જામ્યુકોને પ્રાપ્ત થફેલી 1 અને 3 ની જમીન ફાળવવાની દરખાસ્ત જનરલ બોર્ડમાં મોકલવામાં આવી હતી. ટીપી રસ્તાઓમાં મેટલ રોડ બનાવવા રૂ.107.93 લાખ મંજૂર કરાયા છે.
વોર્ડ નં.5 માં મંગલબાગ શેરી નં.1 થી 4, ઇન્દીરા માર્ગ પસાર થઇ આહીર વિધાર્થી ભવન થઇ કેનાલ સુધી સ્ટ્રોમ વોટર ડ્રેનેજ બનાવવ રૂ.159.15 લાખનું ખર્ચ મંજૂર કરાયું છે. વોર્ડ નં.2 માં નંદનપાર્ક-2 થી મેહુલપાર્ક ગેઇટ કેનાલ સુધી સ્ટ્રોમ વોટર ડ્રેનેજ બનાવવા રૂ.56.47 લાખ મંજૂર કરાયા છે. વોર્ડ નં. 5, 2, 6, 1, 12, 3, 9, 11, 4, 13, 15, 7, 16ના જુદા-જુદા વિસ્તારોમાં સીસીરોડ અને બ્લોકના કામને બહાલી આપવામાં આવી છે. ખાસ કરીને વોર્ડ નં.7 માં જામનગર-ખંભાળિયા માર્ગ પર મેહુલસિનેમેકસ આગળ રૂ.2.98 કરોડના ખર્ચે સીવીક સેન્ટર બનાવવાની દરખાસ્ત મંજૂર કરવામાં આવી છે.
બોકસ-1 તળાવની પાળે બે દુકાન લીઝ પર આપવાનો નિર્ણય, પાર્કના સ્ટાફના ખર્ચની રી-ટેન્ડર પ્રક્રિયા જામ્યુકોની સ્ટેન્ડીંગ કમીટીની બેઠકમાં ચેર પરથી તળાવની પાળે આવેલી ફુડ ઝોન શોપ નં.7 અને 8 ને પાંચ વર્ષ માટે ઓપરેટીંગ લીઝથી ભાડે આપવાનું મંજૂર કરાયું હતું. જયારે વોર્ડ નં.10 માં રૂ.187.22 લાખના ખર્ચે સીસી રોડ બનાવવાના કામને બહાલી અપાઇ હતી. સરદાર વલ્લભભાઇ પટેલ એમ્યુઝમેન્ટ પાર્ક, જામ રણજીતસિંહ પાર્ક, રણમલ લેઇક, લાખોટા મ્યુઝીયમમાં સ્ટાફનો ખર્ચની રી-ટેન્ડરની પ્રક્રિયા પૂર્ણ ન થાય ત્યાં સુધી હયાત પાર્ટી પાસે મંજૂર થયેલા ભાવે કામગીરી કરાવવાનું મંજૂર કરાયું હતું.
તળાવની પાળે બે દુકાન લીઝ પર આપવાનો નિર્ણય, પાર્કના સ્ટાફના ખર્ચની રી-ટેન્ડર પ્રક્રિયા જામ્યુકોની સ્ટેન્ડીંગ કમીટીની બેઠકમાં ચેર પરથી તળાવની પાળે આવેલી ફુડ ઝોન શોપ નં.7 અને 8 ને પાંચ વર્ષ માટે ઓપરેટીંગ લીઝથી ભાડે આપવાનું મંજૂર કરાયું હતું. જયારે વોર્ડ નં.10 માં રૂ.187.22 લાખના ખર્ચે સીસી રોડ બનાવવાના કામને બહાલી અપાઇ હતી. સરદાર વલ્લભભાઇ પટેલ એમ્યુઝમેન્ટ પાર્ક, જામ રણજીતસિંહ પાર્ક, રણમલ લેઇક, લાખોટા મ્યુઝીયમમાં સ્ટાફનો ખર્ચની રી-ટેન્ડરની પ્રક્રિયા પૂર્ણ ન થાય ત્યાં સુધી હયાત પાર્ટી પાસે મંજૂર થયેલા ભાવે કામગીરી કરાવવાનું મંજૂર કરાયું હતું.