વેકેશનનું નામ સાંભળતા જ વિધાર્થીઓ ખુબ જ ખુશ થઇ જાય છે.વેકેશન દરમિયાન વિધાર્થીઓ પોતાના પરિવાર સાથે ફરવા જતા હોય છે,મોજ મસ્તી કરતા હોય છે તથા પોતાની મનગમતી વિવિધ પ્રવૃતિઓ કરતા હોય છે.પરંતુ વેકેશન પૂરું થતા જ તેઓને શાળાએ આવવાનું હોય છે.જેમાં ઘણા વિધાર્થીઓ વેકેશન ખુલતા જ શાળામાં નિયમિત થઇ જતા નથી.
તેઓ ઘણીવાર શરૂઆતમાં ગેરહાજર રહેતા હોય છે. શ્રી હડીયાણા કન્યામાં ખુલતા વેકેશનના પ્રથમ દિવસથી જ શાળામાં વિધાર્થીનીઓ નિયમિત હાજરી આપતી થઈ જાય એવા ઉમદા હેતુથી શાળા પરિવાર દ્વારા વર્ષ ૨૦૨૪-૨૫ ના પ્રથમ સત્રના પ્રથમ દિવસે એટલે કે તારીખ ૧૩/૦૬/૨૦૨૪ ના રોજ શાળામાં હાજર રહેનાર દરેક વિધાર્થીની બહેનોને શાળા પરિવાર તરફથી શાળાના આચાર્યશ્રી અરવિંદભાઈ મકવાણા તથા સમગ્ર સ્ટાફ દ્વારા ગીફ્ટ આપવામાં આવી હતી. જેની પાછળનો મુખ્ય હેતુ શાળામાં વિધાર્થીનીઓની પ્રથમ દિવસથી જ નિયમિત હાજર રહે તેવો હતો.