અગ્રણી ફાર્મા કંપની Sun Pharmaceutical Industries Ltd એ માહિતી આપી છે કે કંપનીએ તેની પેટાકંપની Taro Pharmaceutical Industries Ltd™નું વિલીનીકરણ સફળતાપૂર્વક પૂર્ણ કર્યું છે. કંપનીએ એક્સચેન્જ ફાઇલિંગમાં જણાવ્યું હતું કે આ મર્જર(સ્ીખ્તિીિ)ના ભાગરૂપે સન ફાર્માએ તેની સહયોગી પાસે પહેલાથી જ ધરાવતા શેરો ઉપરાંત ટેરોના તમામ બાકી સામાન્ય શેર હસ્તગત કર્યા છે. મર્જર પછી ્ટ્ઠિર્ હવે એક ખાનગી કંપની છે અને તેનો સંપૂર્ણ હિસ્સો હવે સન ફાર્મા પાસે છે. સન ફાર્મા ૨૦૧૦ થી ટેરોની બહુમતી શેરહોલ્ડર છે.
સન ફાર્માના ચેરમેન અને મેનેજિંગ ડિરેક્ટર દિલીપ સંઘવીએ જણાવ્યું હતું કે, “ટેરો મર્જર પ્રક્રિયાની સફળતાપૂર્વક પૂર્ણ થવા પર અમે ખુશ છીએ. આ સીમાચિહ્નરૂપ બંને સંસ્થાઓ માટે એક મહત્વપૂર્ણ પગલું છે જે અમને એકબીજાની શક્તિઓ અને ક્ષમતાઓનો અસરકારક રીતે લાભ મેળવવાની મંજૂરી આપે છે.
સાથે મળીને અમે આ નવા અધ્યાયની શરૂઆત કરવા અને સંયુક્ત એન્ટિટી માટે વધુ મજબૂત, સફળ ભવિષ્ય બનાવવા માટે ઉત્સાહિત છીએ.” સોમવારે સન ફાર્માનો શેર ૧.૯૯ ટકાના ઉછાળા સાથે રૂપિયા ૧,૪૯૬.૪૦ પર બંધ થયો હતો. શેરની ૫૨ સપ્તાહની ઊંચી સપાટી રૂપિયા ૧,૬૩૮.૮૫ છે અને કંપનીના શેરમાં છેલ્લા એક વર્ષમાં ૫૦.૪૦ ટકાનો વધારો જાેવા મળ્યો છે. માર્ચ ૨૦૨૪ ક્વાર્ટરમાં કંપનીમાં પ્રમોટરોનો હિસ્સો ૫૪.૪૮ ટકા પર યથાવત છે. મ્યુચ્યુઅલ ફંડે માર્ચ ૨૦૨૪ ક્વાર્ટરમાં તેનો હિસ્સો ૧૨.૯૩ ટકાથી ઘટાડીને ૧૨.૨૧ ટકા કર્યો છે.