ધોલેરા-ભાવનગર હાઈવે પર સાંઢીડા-બાવળીયારી માર્ગે એક ગંભીર અકસ્માત સર્જાયો છે. બે કાર સામસામે ધડાકાભેર અથડાતાં કુલ સાત લોકોને ઈજાઓ પહોંચી છે.
અકસ્માતની જાણ થતાં જ સ્થાનિક લોકો ઘટનાસ્થળે દોડી આવ્યા હતા. તેમણે તાત્કાલિક બચાવ કાર્ય શરૂ કર્યું હતું. તમામ ઈજાગ્રસ્તોને સારવાર માટે નજીકની હોસ્પિટલમાં ખસેડવામાં આવ્યા છે.
સાત ઘાયલ વ્યક્તિઓમાંથી બે લોકોની સ્થિતિ ગંભીર હોવાનું જાણવા મળ્યું છે. અન્ય પાંચ લોકોને નાની-મોટી ઈજાઓ થઈ છે. પોલીસે ઘટનાસ્થળે પહોંચી આગળની કાર્યવાહી હાથ ધરી છે.