ખેડા જિલ્લા પોલીસે અસામાજિક તત્વો સામે કડક કાર્યવાહી કરી છે. જિલ્લામાં છેલ્લા એક વર્ષમાં 24 અસામાજિક તત્વોને પાસા હેઠળ રાજ્યની વિવિધ જેલોમાં મોકલવામાં આવ્યા છે.
આ કાર્યવાહી અંતર્ગત બુટલેગર્સ, સમાજ માટે જોખમી વ્યક્તિઓ, મિલકત હડપનારા, ક્રૂર વ્યક્તિઓ અને જુગારના અડ્ડા ચલાવનારાઓનો સમાવેશ થાય છે. પોલીસે આ આરોપીઓના ગેરકાયદે દબાણો દૂર કર્યા છે. સાથે જ અનધિકૃત વીજ કનેક્શન સામે પણ કાર્યવાહી કરી છે.
રાજ્યમાં અસામાજિક તત્વો અને લિસ્ટેડ આરોપીઓ સામે વિશેષ ઝુંબેશ ચલાવવામાં આવી રહી છે. અમદાવાદની ઘટના બાદ પોલીસે આ કાર્યવાહી વધુ તેજ બનાવી છે. પોલીસે માથાભારે તત્વોની યાદી બનાવી તેમની સામે કડક પગલાં લીધા છે.