આદિપુર બસ સ્ટેન્ડ ખાતે આજે બપોરે 12 વાગ્યે નવી ટ્રાફિક પોલીસ ચોકીનું લોકાર્પણ કરવામાં આવ્યું. પૂર્વ કચ્છ પોલીસ અધિક્ષક સાગર બાગમારે આ ચોકીનું ઉદ્ઘાટન કર્યું. તેમણે સીસીટીવી કેમેરા સહિતની સુવિધાઓનું નિરીક્ષણ કર્યું.
આ ચોકી વધતી જતી દૈનિક ગતિવિધિઓ અને વાહનોની અવરજવરને ધ્યાનમાં રાખીને સ્થાપવામાં આવી છે.
લોક ભાગીદારીથી નિર્માણ પામેલી આ ચોકીમાં પોલીસ અને ટીઆરબીના જવાનો ફરજ બજાવશે. તેઓ ટ્રાફિક નિયંત્રણ અને વ્યવસ્થા જાળવવાનું કામ કરશે.
આ ચોકી સ્થાનિક લોકોની રજૂઆતો પણ સ્વીકારશે. બસ સ્ટેશન વિસ્તારમાં બનતા નાના-મોટા ગુનાઓ અને વાહન ચોરીના બનાવો પર અંકુશ આવશે તેવી અપેક્ષા છે.
આ પગલું ટ્રાફિક વ્યવસ્થા સુધારવા અને કાયદો-વ્યવસ્થા જાળવવામાં મદદરૂપ થશે.
કાર્યક્રમમાં ડીવાયએસપી મુકેશ ચૌધરી, આદિપુર પીઆઇ એમસી વાળા, આદિપુર પોલીસ સ્ટાફ અને ટ્રાફિક પોલીસ સ્ટાફ હાજર રહ્યા હતા.