ગાંધીધામ શહેરમાં ચોમાસા પહેલાં જ જળભરાવની સમસ્યા સર્જાઈ છે.
સામાન્ય વરસાદમાં પણ શહેરના અનેક વિસ્તારોમાં પાણી ભરાવાની સ્થિતિ સર્જાતા મહાનગરપાલિકાની પ્રી-મોન્સૂન કામગીરી સામે પ્રશ્નો ઉભા થયા છે.
ભારતનગર, 9/B, મહેશ્વરીનગર અને જનતા કોલોની વિસ્તારોમાં સામાન્ય વરસાદથી જ 2-3 ફૂટ પાણી ભરાઈ જાય છે.
આ વિસ્તારોમાં વરસાદી પાણીના નિકાલ માટે ગટર વ્યવસ્થાનો અભાવ વર્ષોથી જોવા મળે છે. રવિવાર રાત્રે પડેલા સામાન્ય વરસાદમાં 9/B વિસ્તારમાં પાણી ભરાયા હતા.
મહેશ્વરીનગરની પાછળ આવેલી રામદેવપીર સોસાયટીમાં રસ્તાની સ્થિતિ અત્યંત ખરાબ છે. સ્થાનિક રહીશોએ મહાનગરપાલિકાના ડેપ્યુટી કમિશનરને રજૂઆત કરી છે.
તેઓએ રસ્તાની મરામત અને પાણીના નિકાલ માટે નાળા બનાવવાની માંગ કરી છે.
ગાંધીધામ શહેર કોંગ્રેસના મહામંત્રી નવીન કે. અબચુગની યાદી મુજબ, મહેશ્વરીનગર, ભારતનગર અને સુંદરપુરી વિસ્તારના રહીશોએ આ મુદ્દે રજૂઆત કરી છે.
સ્થાનિક નાગરિકોનું કહેવું છે કે મહાનગરપાલિકા માત્ર નામની જ છે અને પ્રજાને મૂળભૂત સુવિધાઓ મળતી નથી.