સંરક્ષણ મંત્રાલયે ભારતની સરહદ સુરક્ષાને મજબૂત બનાવવા માટે લગભગ ૨,૦૦૦ કરોડ રૂપિયાના કટોકટી ખરીદી ભંડોળને મંજૂરી આપી છે. આ પગલાનો ઉદ્દેશ્ય જમ્મુ અને કાશ્મીરમાં સશસ્ત્ર દળોની કાર્યકારી ક્ષમતાઓને વધારવા અને પ્રદેશમાં ઉભરતા જાેખમોનો સામનો કરવા માટે તેમને સજ્જ કરવાનો છે. સરહદ પાર આતંકવાદનો સામનો કરવા માટે ભારતીય સેનાની કાર્યકારી તૈયારીને વધારવા માટે, મંત્રાલયે કટોકટી ખરીદી પદ્ધતિ હેઠળ ૧,૯૮૦ કરોડ રૂપિયાના ૧૩ કરારો પૂર્ણ કર્યા છે.
કટોકટી પ્રાપ્તિ આદેશ હેઠળ ફાસ્ટ-ટ્રેક પ્રક્રિયાઓ દ્વારા અમલમાં મુકવામાં આવેલ, આ પહેલનો ઉદ્દેશ્ય આતંકવાદ વિરોધી વાતાવરણમાં તૈનાત સૈનિકો માટે પરિસ્થિતિગત જાગૃતિ, ઘાતકતા, ગતિશીલતા અને સુરક્ષા વધારવાનો છે. ઝડપી ક્ષમતા વૃદ્ધિ સુનિશ્ચિત કરવા માટે સંકુચિત સમયમર્યાદામાં સંપાદન પૂર્ણ કરવામાં આવ્યું હતું.
ખરીદવાના શસ્ત્રોની યાદી:-
ઇન્ટિગ્રેટેડ ડ્રોન ડિટેક્શન એન્ડ ઇન્ટરડિક્શન સિસ્ટમ્સ
લો-લેવલ લાઇટવેઇટ રડાર્સ
વેરી શોર્ટ રેન્જ એર ડિફેન્સ સિસ્ટમ્સ – લોન્ચર્સ અને મિસાઇલ્સ
રિમોટલી પાયલોટેડ એરિયલ વ્હીકલ્સ
વર્ટિકલ ટેક-ઓફ અને લેન્ડિંગ સિસ્ટમ્સ સહિત લોઇટરિંગ મ્યુનિશન્સ
ડ્રોનની વિવિધ શ્રેણીઓ
બુલેટપ્રૂફ જેકેટ્સ
બેલિસ્ટિક હેલ્મેટ
ક્વિક રિએક્શન ફાઇટીંગ વ્હીકલ્સ – હેવી અને મીડિયમ
એક વિશિષ્ટ વિડિઓમાં, આર્ત્મનિભરતા દ્વારા ભારતીય સેનાની ક્ષમતાઓને વધારતા શસ્ત્રો અને સાધનો સ્પષ્ટપણે દૃશ્યમાન છે. આ સ્વદેશી રીતે વિકસિત પ્રણાલીઓ ભારતની વધતી જતી સંરક્ષણ ઉત્પાદન શક્તિ અને ‘આર્ત્મનિભર ભારત‘ પહેલ પ્રત્યેની પ્રતિબદ્ધતાને પ્રતિબિંબિત કરે છે.