સુરત કામરેજના ઘલાથી કરજણ તરફના માર્ગે એક મોટી દુર્ઘટના ટળી છે. કરજણ પાટીયા પાસે દૂધ ભરેલું ટેન્કર બેકાબૂ બની સામેના રોડ પર જઈને નીચે ઉતરી ગયું હતું.
ટેન્કર નંબર GJ21Y-4963 બૌધાન તરફથી ઘલા પાટીયા નેશનલ હાઈવે નંબર 48 તરફ જઈ રહ્યું હતું. કરજણ ચોકડી પાસેના પાટીયા નજીક બમ્પ કૂદાવતા ટેન્કર બેકાબૂ બન્યું હતું. આ બેકાબૂ ટેન્કર સામેના ટ્રેક વાળા રોડની નીચે ઉતરીને નાળા પાસેના શેરડીના શેઢા સુધી પહોંચી ગયું હતું.
અકસ્માતમાં ટેન્કરનું આગળનું વ્હીલ છૂટું પડી ગયું હતું. સાથે જ આગળની કેબિનનો કાચ પણ તૂટી ગયો હતો. ઘલા-કરજણ રોડ વાહન વ્યવહારથી સતત ધમધમતો રહે છે. આ માર્ગ પર બનેલી આ ઘટનામાં સદનસીબે કોઈ મોટી જાનહાની થઈ નથી.