દિલ્હીવાસીઓ માટે મોટા ખુશીના સમાચાર
દેશની સર્વોચ્ચ અદાલત સુપ્રીમ કોર્ટે બુધવારે દિવાળીના તહેવાર માટે ૧૮ થી ૨૧ ઓક્ટોબર સુધી દિલ્હી-NCRમાં લીલા ફટાકડા ફોડવાની મંજૂરી આપી હતી, જે કામચલાઉ પગલાં તરીકે હતી. આ પરવાનગી સવારે ૬ થી ૭ વાગ્યા સુધી અને ફરીથી સાંજે ૮ થી ૧૦ વાગ્યા સુધી આપવામાં આવી છે.
આદેશ જાહેર કરતા, મુખ્ય ન્યાયાધીશ બી.આર. ગવઈએ ૧૪ ઓક્ટોબર, ૨૦૨૪ ના આદેશનો ઉલ્લેખ કર્યો હતો જ્યારે દિલ્હી સરકારે ફટાકડા પર સંપૂર્ણ પ્રતિબંધ લાદ્યો હતો, જેને સમગ્ર NCR સુધી વિસ્તારવામાં આવ્યો હતો
“આપણે સંતુલિત અભિગમ અપનાવવો પડશે, પર્યાવરણ સાથે સમાધાન ન કરીને તેને મધ્યમ માત્રામાં મંજૂરી આપવી પડશે,” મુખ્ય ન્યાયાધીશે કહ્યું
સંતુલિત અભિગમની જરૂરિયાત પર ભાર મૂકતા, કોર્ટે કહ્યું કે પર્યાવરણીય સંરક્ષણ સાથે સમાધાન કર્યા વિના લીલા ફટાકડાનો મર્યાદિત ઉપયોગ કરવાની મંજૂરી આપવામાં આવશે. કોર્ટે પોલીસ અધિકારીઓને પેટ્રોલિંગ ટીમો બનાવવાનો નિર્દેશ આપ્યો જેથી ખાતરી કરી શકાય કે ફક્ત ઊઇ કોડવાળા માન્ય ફટાકડા જ વેચાય.
વધુમાં ચુકાદો આપ્યો કે દિલ્હી-NCR ક્ષેત્રની બહારના કોઈપણ ફટાકડાને આ વિસ્તારમાં મંજૂરી આપવામાં આવશે નહીં. સુપ્રીમ કોર્ટે એવો પણ આદેશ આપ્યો હતો કે નકલી અથવા અનધિકૃત ફટાકડાનો વેપાર કરતા વિક્રેતાઓના લાઇસન્સ સસ્પેન્ડ કરવામાં આવે.