મુળ દ્વારકાના વતની અને રાજકોટમાં શિક્ષક તરીકે કામગીરી કરતા દ્વારકાના પુત્રને ભારતના શ્રેષ્ઠ શિક્ષકનો એવોર્ડ મળતા દ્વારકા સહિત શમગ્ર હાલારનું નામ રોશન થયું છે.એવોર્ડ હાંસલ કરી સૌ પ્રથમ દ્વારકા આવી ભગવાન દ્વારકાઘીશના ચરણે એવોર્ડ ધરી આશીર્વાદ સાથે એવોર્ડ ગળે પહેર્યો હતો.
હાલ રાજકોટ સ્વામિનારાયણ ગુરુકુળ વિધાલયમાં સાઇન્સના શિક્ષક તરીકે ફરજ બજાવતા દ્વારકાના વતની એવા હિતેશ પ્રવિણચંદ ભૂંડીયાને 2025 ના ભારતભરના શ્રેષ્ઠ શિક્ષકનો એવોર્ડ રાષ્ટ્રપતિ દ્રોપદી મુર્મુના હસ્તે મળ્યો હતો. બાદમા હિતેશભાઈ વડાપ્રધાન નરેન્દ્ર મોદીને પણ મળ્યા હતા.
રાષ્ટ્રીય એવોર્ડ લઈ દ્વારકા પહોંચ્યા હતા, જયાં જગત મંદિરે આ એવોર્ડને ભગવન દ્વારકાધીશના ચરણોમાં ધર્યો હતો. વારાદાર પૂજારી પરિવાર દ્વારા શાસ્ત્રોકત વિધિ-વિધાન અનુસાર પૂજા કરી હિતેશભાઈ બૂંડીયાને ભગવાન દ્વારકાધીશ ના આશીર્વાદ સાથે એવોર્ડ પોતાના માતાપિતા ને સમર્પિત કર્યો હતો.