કેન્દ્રીય ચૂંટણી પંચે બુધવારે નાગરિકોના તમામ પ્રશ્નો/ફરિયાદોનો ઉકેલ લાવવા માટે રાષ્ટ્રીય મતદાર હેલ્પલાઇન અને તમામ ૩૬ રાજ્ય અને જિલ્લા સ્તરની હેલ્પલાઇન સક્રિય કરી છે. ચૂંટણી પંચે ‘બુક-એ-કોલ વિથ બીએલઓ‘ સુવિધા પણ શરૂ કરી છે જેનો ઉપયોગ કરીને નાગરિકો ઈઝ્રૈંદ્ગઈ્ પ્લેટફોર્મ પર ઉપલબ્ધ સુવિધા દ્વારા તેમના સંબંધિત બૂથ લેવલ ઓફિસર નો સીધો સંપર્ક કરી શકે છે.
ચૂંટણી પંચે ‘બુક-એ-કોલ વિથ બીએલઓ‘ સુવિધા શરૂ કરી છે
ચૂંટણી પંચે કહ્યું કે તે તમામ મતદારોને તેમની ચિંતાઓના ઝડપી અને પારદર્શક નિરાકરણ માટે ચૂંટણી સંબંધિત તમામ માહિતી, પ્રતિસાદ, સૂચનો અને ફરિયાદો માટે ‘બુક-એ-કોલ વિથ બીએલઓ‘ અને સમર્પિત મતદાર હેલ્પલાઇન નંબર – ૧૯૫૦ સુવિધાઓનો ઉપયોગ કરવા પ્રોત્સાહિત કરે છે.
“નાગરિકો ECINª એપનો ઉપયોગ કરીને ચૂંટણી અધિકારીઓ સાથે પણ જાેડાઈ શકે છે. ચૂંટણી પંચે તમામ સીઈઓ, ડીઈઓ, ઇઆરઓને નિયમિતપણે પ્રગતિનું નિરીક્ષણ કરવા અને ૪૮ કલાકની અંદર વપરાશકર્તાઓની વિનંતીઓનો ઝડપી નિકાલ સુનિશ્ચિત કરવા નિર્દેશ આપ્યો છે,” ચૂંટણી પંચે જણાવ્યું હતું.
ચૂંટણી પંચે જણાવ્યું હતું કે આ સુવિધાઓ ચૂંટણી સંબંધિત ફરિયાદોના નિવારણ માટે હાલની પદ્ધતિઓ ઉપરાંત છે અને ઉમેર્યું હતું કે નાગરિકો complaints@eci.gov.in પર ઇમેઇલ પણ મોકલી શકે છે.
ચૂંટણી પંચે જણાવ્યું હતું કે રાષ્ટ્રીય સંપર્ક કેન્દ્ર કેન્દ્રીય હેલ્પલાઇન તરીકે સેવા આપશે
એક નિવેદનમાં, ચૂંટણી પંચે જણાવ્યું હતું કે રાષ્ટ્રીય સંપર્ક કેન્દ્ર બધા રાજ્યો અને કેન્દ્રશાસિત પ્રદેશો માટે કેન્દ્રીય હેલ્પલાઇન તરીકે સેવા આપશે. “તે દરરોજ સવારે ૮:૦૦ થી રાત્રે ૮:૦૦ વાગ્યા સુધી ટોલ-ફ્રી નંબર ૧૮૦૦-૧૧-૧૯૫૦ દ્વારા કાર્યરત છે. કોલ્સનું સંચાલન પ્રશિક્ષિત અધિકારીઓ દ્વારા કરવામાં આવે છે જેઓ નાગરિકો અને અન્ય હિસ્સેદારોને ચૂંટણી સેવાઓ અને પ્રશ્નોમાં મદદ કરે છે,” ચૂંટણી પંચે જણાવ્યું હતું.
ચૂંટણી પંચે દરેક રાજ્ય/કેન્દ્રશાસિત પ્રદેશ અને જિલ્લાને અનુક્રમે પોતાનું રાજ્ય સંપર્ક કેન્દ્ર અને જિલ્લા સંપર્ક કેન્દ્ર સ્થાપવા સૂચનાઓ પણ જારી કરી છે, જેથી સમયસર અને સ્થાનિક પ્રતિભાવો સુનિશ્ચિત થાય. “આ કેન્દ્રો આખા વર્ષ દરમિયાન તમામ કાર્યકારી દિવસોમાં કાર્યાલયના કલાકો દરમિયાન કાર્યરત રહે છે, રાજ્ય/કેન્દ્રશાસિત પ્રદેશની પ્રાદેશિક ભાષાઓમાં સહાય પૂરી પાડે છે,” ચૂંટણી પંચે જણાવ્યું હતું.
ચૂંટણી પંચે જણાવ્યું હતું કે બધી ફરિયાદો અને પ્રશ્નો રાષ્ટ્રીય ફરિયાદ સેવા પોર્ટલ દ્વારા રેકોર્ડ અને ટ્રેક કરવામાં આવે છે.