સોશિયલ મીડિયા ઇન્ફ્લુએન્સર ઓરી પછી, બોલીવુડ અભિનેત્રી શ્રદ્ધા કપૂરના ભાઈ સિદ્ધાંત કપૂરને મુંબઈ પોલીસના એન્ટી-નાર્કોટિક્સ સેલ (છદ્ગઝ્ર) દ્વારા ડ્રગ્સ પાર્ટી કેસના સંદર્ભમાં સમન્સ મોકલવામાં આવ્યું છે.
સિદ્ધાંતને ૨૫ નવેમ્બરે હાજર રહેવાનું કહેવામાં આવ્યું છે, જ્યારે ઓરહાન અવત્રામણિ ઉર્ફે ઓરી, જે અગાઉના સમન્સ ચૂકી ગયા હતા, તેમને હાજર રહેવાની નવી તારીખ – ૨૬ નવેમ્બર મળી છે.
ઓરીને અગાઉ ૨૦ નવેમ્બરે પૂછપરછ માટે હાજર રહેવાનું કહેવામાં આવ્યું હતું પરંતુ તેઓ તેમ કરવામાં નિષ્ફળ ગયા અને હાજર રહેવા માટે વધુ સમય માંગ્યો હતો. સમાજસેવીના પ્રતિનિધિએ દાવો કર્યો હતો કે તે મુંબઈની બહાર છે.
આ મહિનાની શરૂઆતમાં ધરપકડ કરાયેલા ડ્રગ તસ્કરે અગાઉ પણ ચોંકાવનારા દાવા કર્યા હતા. છદ્ગઝ્ર દ્વારા મુંબઈની એક કોર્ટમાં કરાયેલી રજૂઆતો અનુસાર, મોહમ્મદ સલીમ મોહમ્મદ સુહેલ શેખ તરીકે ઓળખાતા તસ્કરે જણાવ્યું હતું કે તેણે સેલિબ્રિટીઓ માટે ભવ્ય પાર્ટીઓનું આયોજન કર્યું હતું.
આ પાર્ટીઓમાં હાજરી આપનારા કેટલાક નામોમાં અભિનેતા નોરા ફતેહી, શ્રદ્ધા કપૂર અને તેના ભાઈ સિદ્ધાર્થ કપૂર, ઓરી, ફિલ્મ નિર્માતા અબ્બાસ-મસ્તાન અને રેપર લોકાનો સમાવેશ થાય છે.
માત્ર બોલિવૂડ સેલિબ્રિટીઓ જ નહીં, તસ્કરે એમ પણ કહ્યું હતું કે બાબા સિદ્દીકીના પુત્ર અને દ્ગઝ્રઁ નેતા ઝીશાન સિદ્દીક અને દાઉદની મૃત બહેન હસીના પારકરનો પુત્ર પણ હાજર હતા.