પશ્ચિમ રેલવેના ભાવનગર મંડળ હેઠળના મીટર ગેજ (MG) વિભાગમાં ટ્રેન સેવાઓના સમયમાં ફેરફાર કરવામાં આવ્યો છે, અને કેટલીક ટ્રેનો રદ કરવામાં આવી છે. આ નિર્ણય 19 જાન્યુઆરી 2026થી અમલમાં આવશે. પશ્ચિમ રેલવેના ભાવનગર મંડળના વરિષ્ઠ મંડળ વાણિજ્ય પ્રબંધક અતુલ કુમાર ત્રિપાઠીએ આ માહિતી આપી હતી.
રદ કરવામાં આવેલી ટ્રેન સેવાઓમાં ટ્રેન નંબર 52951/52952 (જુનાગઢ – દેલવાડા – જુનાગઢ) અને ટ્રેન નંબર 52929/52930 (જુનાગઢ – વેરાવળ – જુનાગઢ)નો સમાવેશ થાય છે
ટ્રેન નંબર 52951/52952 (જુનાગઢ–દેલવાડા–જુનાગઢ) રદ થવાને કારણે, જેતલસરથી દેલવાડા જતા મુસાફરો માટે તલાલા સ્ટેશન પર વૈકલ્પિક કનેક્શનની વ્યવસ્થા કરવામાં આવી છે. આ અંતર્ગત, ટ્રેન નંબર 52949/52950 (વેરાવળ–દેલવાડા–વેરાવળ) અને ટ્રેન નંબર 52946/52933 (જુનાગઢ–વેરાવળ–જુનાગઢ) વચ્ચે અધિકૃત જોડાણ આપવામાં આવ્યું છે.
ભાવનગર મંડળના વરિષ્ઠ મંડળ વાણિજ્ય પ્રબંધક શ્રી અતુલ કુમાર ત્રિપાઠી દ્વારા 19 જાન્યુઆરી 2026થી અમલમાં આવનારી સુધારેલી સમયસૂચિ જાહેર કરવામાં આવી છે.
આ સુધારેલી સમયસૂચિ મુજબ, ટ્રેન 52949 વેરાવળથી 08:50 વાગ્યે ઉપડીને 12:30 વાગ્યે દેલવાડા પહોંચશે. ટ્રેન 52946 જુનાગઢથી 06:15 વાગ્યે ઉપડીને 10:40 વાગ્યે વેરાવળ પહોંચશે. ટ્રેન 52955 વેરાવળથી 06:15 વાગ્યે ઉપડીને 10:20 વાગ્યે જુનાગઢ પહોંચશે.
વધુમાં, ટ્રેન 52933 વેરાવળથી 14:45 વાગ્યે ઉપડીને 18:55 વાગ્યે જુનાગઢ પહોંચશે. ટ્રેન 52956 જુનાગઢથી 20 જાન્યુઆરી 2026થી 08:00 વાગ્યે ઉપડીને 12:10 વાગ્યે વેરાવળ પહોંચશે. ટ્રેન 52950 દેલવાડાથી 13:00 વાગ્યે ઉપડીને 16:35 વાગ્યે વેરાવળ પહોંચશે.