છત્તીસગઢ હાઈકોર્ટે ભૂતપૂર્વ મુખ્યમંત્રી અજિત જાેગીના પુત્ર અમિત જાેગીને ૨૦૦૩માં રાષ્ટ્રવાદી કોંગ્રેસ પાર્ટી (NCP)ના નેતા રામાવતાર જગ્ગીની હત્યાના કેસમાં આજીવન કેદની સજા ફટકારી છે.
અમિત જાેગીને ૨૦૦૭માં ટ્રાયલ કોર્ટે નિર્દોષ જાહેર કર્યા હતા. સુપ્રીમ કોર્ટના નિર્દેશો બાદ બેન્ચે કેસ ફરીથી ખોલ્યાના એક મહિના પછી હાઈકોર્ટનો આ આદેશ આવ્યો છે, જેમાં સેન્ટ્રલ બ્યુરો ઓફ ઈન્વેસ્ટિગેશન દ્વારા અપીલ દાખલ કરવામાં થયેલા વિલંબને માફ કરવાનો ર્નિણય લેવામાં આવ્યો હતો.
મુખ્ય ન્યાયાધીશ રમેશ સિંહા અને ન્યાયાધીશ અરવિંદ કુમાર વર્માની બેન્ચે ૨ એપ્રિલના પોતાના આદેશમાં જણાવ્યું હતું કે, “અમારું માનવું છે કે વિદ્વાન ટ્રાયલ જજે આરોપી અમિત જાેગીને નિર્દોષ જાહેર કરવાનો જે ચુકાદો આપ્યો છે તે ગેરકાયદેસર, ખોટો, વિકૃત, રેકોર્ડ પર ઉપલબ્ધ પુરાવાઓથી વિપરીત અને કોઈ નક્કર આધાર વિનાનો છે.”
હાઈકોર્ટનો આદેશ, જેણે નિર્દોષ જાહેર કરવાની સજાને ઉલટાવી અને આજીવન કેદની સજા ફટકારી, સોમવારે હાઈકોર્ટની વેબસાઇટ પર પોસ્ટ કરવામાં આવ્યો હતો.
ટ્રાયલ કોર્ટના ૨૦૦૭ના ચુકાદાને બાજુ પર રાખીને, બેન્ચે અમિત જાેગીને ભારતીય દંડ સંહિતાની કલમ ૩૦૨ (હત્યા) અને ૧૨૦-મ્ (ગુનાહિત કાવતરું) હેઠળ દોષિત ઠેરવ્યા અને તેમને આજીવન કેદની સજા ફટકારી.
રાષ્ટ્રવાદી કોંગ્રેસ પાર્ટીના નેતા જગ્ગીની હત્યા ૪ જૂન, ૨૦૦૩ના રોજ કરવામાં આવી હતી, જ્યારે અમિતના પિતા અજિત જાેગી રાજ્યના મુખ્યમંત્રી હતા. ફરિયાદ પક્ષના જણાવ્યા અનુસાર, NCP ના છત્તીસગઢ એકમના ખજાનચી જગ્ગીની પાર્ટી દ્વારા આયોજિત રેલીને વિક્ષેપિત કરવાના કાવતરાના ભાગ રૂપે આરોપીઓ દ્વારા ગોળી મારીને હત્યા કરવામાં આવી હતી.
શરૂઆતમાં રાજ્ય પોલીસ દ્વારા આ કેસની તપાસ કરવામાં આવી હતી અને બાદમાં સેન્ટ્રલ બ્યુરો ઓફ ઇન્વેસ્ટિગેશનને સોંપવામાં આવી હતી, જેણે અમિત જાેગી સહિત અનેક આરોપીઓ સામે ચાર્જશીટ દાખલ કરી હતી.
૨૦૦૭ના ચુકાદામાં, રાયપુરની એક ટ્રાયલ કોર્ટે ૨૮ આરોપીઓને દોષિત ઠેરવ્યા હતા, અને કહ્યું હતું કે ફરિયાદ પક્ષે પોતાનો કેસ સાબિત કર્યો છે, પરંતુ અમિત જાેગીને નિર્દોષ જાહેર કર્યા હતા. છત્તીસગઢ સરકારે ચુકાદા સામે અપીલ કરી હતી કારણ કે કેસ ઝ્રમ્ૈં દ્વારા ચલાવવામાં આવ્યો હતો.
ત્યારબાદ સીબીઆઈએ નિર્દોષ છૂટકારોને પડકાર્યો; જાેકે, ૨૦૧૧ માં હાઇકોર્ટે વિલંબના આધારે તેની અરજી ફગાવી દીધી હતી. રાજ્ય સરકાર અને જગ્ગીના પુત્ર સતીશ જગ્ગી દ્વારા અલગથી દાખલ કરાયેલી અપીલ પણ નિષ્ફળ ગઈ.
ગયા વર્ષે નવેમ્બરમાં સુપ્રીમ કોર્ટની ત્રણ ન્યાયાધીશોની બેન્ચે હાઇકોર્ટને સીબીઆઈની અરજી પર સુનાવણી કરવાનો નિર્દેશ આપ્યો ત્યારે કેસમાં નવો વળાંક આવ્યો, જેમાં નોંધ્યું હતું કે અપીલ દાખલ કરવામાં વિલંબ થયો હતો, પરંતુ અમિત જાેગી સામેના આરોપો “ખૂબ જ ગંભીર” હતા, જેમાં રાજકીય હરીફની હત્યાનું કાવતરું સામેલ હતું, અને યોગ્યતાના આધારે વિચારણા જરૂરી હતી.
૨ એપ્રિલના રોજ હાઇકોર્ટના આદેશ પર પ્રતિક્રિયા આપતા, અમિત જાેગીએ કહ્યું કે આ અન્યાય છે અને તેમને આશા છે કે તેમને સુપ્રીમ કોર્ટ તરફથી ન્યાય મળશે.
“પ્રિય મિત્રો અને શુભેચ્છકો, આજે માનનીય હાઈકોર્ટે મારી વિરુદ્ધ સીબીઆઈની અપીલ માત્ર ૪૦ મિનિટમાં સ્વીકારી લીધી, મને સાંભળવાની તક આપ્યા વિના. મને દુ:ખ છે કે કોર્ટ દ્વારા નિર્દોષ જાહેર કરાયેલા વ્યક્તિને હવે સુનાવણીની એક પણ તક વિના દોષિત જાહેર કરવામાં આવ્યો છે. આવું પહેલાં ક્યારેય બન્યું નથી,” તેમણે ૨ એપ્રિલના રોજ ઠ પર એક પોસ્ટમાં કહ્યું.
રામાવતાર જગ્ગીના પુત્ર સતીશ જગ્ગી, જેમણે જાેગીની નિર્દોષ છુટકારો સામે પણ અપીલ કરી હતી, તેમણે ૨ એપ્રિલના ચુકાદાનું સ્વાગત કર્યું. “સત્યનો વિજય થયો છે,” તેમણે કહ્યું.