ચોમાસુ કેરળ પહોંચ્યાના થોડા દિવસો પછી, સોમવારે, પશ્ચિમ-મધ્ય અને પૂર્વ-મધ્ય અરબી સમુદ્રના વધુ ભાગો, તેલંગાણા, મહારાષ્ટ્ર, કર્ણાટક અને આંધ્રપ્રદેશમાં આગળ વધ્યું, જે નિર્ધારિત સમય કરતાં ત્રણ દિવસ પાછળ અને ભારતીય હવામાન વિભાગ (IMD) ની આગાહી તારીખથી પાંચ દિવસ પાછળ હતું. ચોમાસાની શરૂઆતમાં વિલંબ થયો હોવા છતાં પ્રગતિ લગભગ સામાન્ય રહી છે.
IMD એ જણાવ્યું હતું કે આગામી સાત દિવસ દરમિયાન કેરળ, કર્ણાટક, તમિલનાડુ, ઉત્તરપૂર્વ અને ઉપ-હિમાલયી પશ્ચિમ બંગાળમાં ભારેથી અતિ ભારે વરસાદ (૭-૨૦ સેમી) થવાની સંભાવના છે. ૮ અને ૯ જૂનના રોજ કર્ણાટક અને કેરળમાં છૂટાછવાયા ભારે વરસાદની આગાહી કરવામાં આવી છે. પશ્ચિમી વિક્ષેપને કારણે ૧૧ જૂને વાવાઝોડા સાથે હળવાથી મધ્યમ વરસાદ અને તોફાની પવનો (૫૦-૬૦ કિમી પ્રતિ કલાક) અને કરા પડવાની શક્યતા છે.
ખાનગી આગાહી કરનાર સ્કાયમેટ વેધરના ઉપપ્રમુખ (આબોહવા અને હવામાનશાસ્ત્ર) મહેશ પાલાવતે જણાવ્યું હતું કે ચોમાસાએ હાલમાં સારી પ્રગતિ દર્શાવી છે અને આગામી બે થી ત્રણ દિવસમાં સમગ્ર ઉત્તરપશ્ચિમ ભારત, ઉપ-હિમાલયી પશ્ચિમ બંગાળ, મધ્ય ભારતના ભાગો, ઝારખંડ અને પૂર્વ બિહારને આવરી લેશે. “આપણે ૧૬-૧૭ જૂન સુધીમાં ચોમાસા દક્ષિણ ગુજરાતમાં પહોંચવાની પણ અપેક્ષા રાખી શકીએ છીએ. પશ્ચિમ અને ઉત્તરપશ્ચિમ ભારતમાં ચોમાસા પહેલાની પ્રવૃત્તિમાં વધારો થશે.”
ચોમાસાની ઉત્તરીય મર્યાદા હરનાઈ, સોલાપુર, કલબુર્ગી, નંદ્યાલ, ચેન્નાઈ, કૈલાશહર, લામડિંગ અને ઉત્તર લખીમપુરમાંથી પસાર થઈ રહી હતી.
મહારાષ્ટ્ર, તેલંગાણા, ઉત્તરપૂર્વમાં કેટલાક સ્થળોએ અને રાજસ્થાન, પંજાબ, હરિયાણા અને દિલ્હીના છૂટાછવાયા સ્થળોએ મહત્તમ તાપમાન સામાન્ય કરતાં ૨°ઝ્ર થી ૪°ઝ્ર વધુ હતું.