દિલ્હી સરકારે ‘દિલ્હી લક્ષ્મી યોજના‘ ને મંજૂરી આપી છે, જે મહિલાઓને નાણાકીય સહાય પૂરી પાડશે. દિલ્હીના મુખ્યમંત્રી રેખા ગુપ્તાની જાહેરાત મુજબ, સરકારી યોજના માટે લાયક મહિલાઓને ?૨,૫૦૦ આપવામાં આવશે.
“દિલ્હી લક્ષ્મી યોજનાને કેબિનેટ દ્વારા મંજૂરી આપવામાં આવી છે, અને આ માટેનું પોર્ટલ ૧ ઓગસ્ટના રોજ શરૂ કરવામાં આવશે,” ગુપ્તાએ જણાવ્યું.
“યોગ્ય મહિલાઓ અરજી કરી શકશે, અને તેમની અરજીઓની ચકાસણી અને મંજૂરી પછી, અમે રક્ષાબંધનની આસપાસ લાભાર્થીઓના પ્રથમ જૂથને પ્રથમ હપ્તો આપવાની આશા રાખીએ છીએ. સરકાર બનાવ્યાના માત્ર દોઢ વર્ષમાં જ અમે આ વચન પૂર્ણ કર્યું છે તે ખૂબ જ ખુશીની વાત છે. હું દિલ્હીની મહિલાઓને અભિનંદન આપું છું અને તેમને ખાતરી આપું છું કે આ સરકાર તેમના આશીર્વાદથી તેમના કલ્યાણ માટે કામ કરવાનું ચાલુ રાખશે,” ગુપ્તાએ પત્રકારોને વધુમાં જણાવ્યું.
ભાજપના નેતાએ ઉમેર્યું કે અરજીઓની ચકાસણી પછી, સરકાર રક્ષાબંધન સુધીમાં પ્રથમ હપ્તો જારી કરવા માટે કામ કરશે.
“આ માસિક સહાય કોઈ માતાની દવા માટે મદદ કરશે, કોઈ પુત્રીના શિક્ષણને ગતિ આપશે અને કોઈ પરિવારના રોજિંદા ખર્ચમાં રાહત લાવશે. આ ફક્ત નાણાકીય સહાય નથી – તે દિલ્હીની બહેનોના સન્માન, આત્મવિશ્વાસ અને આર્ત્મનિભરતા માટે પ્રતિજ્ઞા છે,” ગુપ્તાએ ઠ પર લખ્યું.
પ્રસ્તાવિત ધોરણો હેઠળ, અરજદારોએ સ્વ-ઘોષણાપત્ર સબમિટ કરવું પડશે જેમાં જણાવવામાં આવશે કે તેઓ ઓછામાં ઓછા ૧૦ વર્ષથી દિલ્હીના રહેવાસી છે અને તેમનો કોઈ ગુનાહિત રેકોર્ડ નથી.
આ યોજના આમ આદમી પાર્ટી સરકાર હેઠળ મહિલા સન્માન યોજના યોજનાના સ્થાને આવે છે.
આ યોજના હેઠળ, ૧૮ વર્ષથી વધુ ઉંમરની મહિલાઓ દર મહિને ?૧,૦૦૦ મેળવવા પાત્ર હતી. બાદમાં આ રકમ વધારીને ?૨,૧૦૦ પ્રતિ મહિને કરવામાં આવી હતી.