પીએમ મોદીએ નવી દિલ્હીમાં સ્વિસ રાષ્ટ્રપતિ ગાય પરમેલિન સાથે દ્વિપક્ષીય વાટાઘાટો કરી
ભારત અને સ્વિટ્ઝર્લૅન્ડે પરિવહન ટેકનોલોજી, ગતિશીલતા પ્રણાલીઓ અને માળખાગત સુવિધાઓ પર પ્રમોશન અને સહયોગના ક્ષેત્રમાં અનેક કરારો પર હસ્તાક્ષર કર્યા છે.
વિજ્ઞાન અને ટેકનોલોજી વિભાગ અને સ્વિસ નેશનલ સાયન્સ ફાઉન્ડેશન વચ્ચે એક ઉદ્દેશ પત્ર પર પણ હસ્તાક્ષર કરવામાં આવ્યા હતા.
વિજ્ઞાન અને ટેકનોલોજી વિભાગ અને ઝુરિચ યુનિવર્સિટી ઓફ એપ્લાઇડ સાયન્સ વચ્ચે નવીનતા, ટેકનોલોજી ટ્રાન્સફર અને ઉદ્યોગસાહસિકતામાં સહયોગ માટે અમલીકરણ વ્યવસ્થા પર પણ હસ્તાક્ષર કરવામાં આવ્યા હતા.
નવી દિલ્હીમાં વડા પ્રધાન નરેન્દ્ર મોદી અને સ્વિસ રાષ્ટ્રપતિ ગાય પરમેલિન વચ્ચે દ્વિપક્ષીય વાટાઘાટો પછી આ કરારો પર હસ્તાક્ષર કરવામાં આવ્યા હતા.
સંયુક્ત પત્રકાર પરિષદમાં, વડા પ્રધાન મોદીએ સ્વિસ રાષ્ટ્રપતિ ગાય પરમેલિનની ભારત-સ્વિટ્ઝર્લૅન્ડ સંબંધો પ્રત્યેની પ્રતિબદ્ધતાની પ્રશંસા કરી. તેમણે કહ્યું કે ભારતે ગયા ઓક્ટોબરમાં યુરોપિયન ફ્રી ટ્રેડ એસોસિએશન (ઈહ્લ્છ) દેશો સાથે ઐતિહાસિક વેપાર અને આર્થિક ભાગીદારી કરાર લાગુ કર્યો હતો.
શ્રી મોદીએ નોંધ્યું હતું કે આ કરાર યુરોપિયન આર્થિક બ્લોક સાથે ભારતનો પ્રથમ ફ્રી ટ્રેડ કરાર હતો. તેમણે તેને રોકાણ, નવીનતા, રોજગાર અને સહિયારી સમૃદ્ધિ માટે મહત્વાકાંક્ષી માળખા તરીકે વર્ણવ્યું હતું.
પ્રધાનમંત્રીએ ભાર મૂક્યો કે આ કરાર હેઠળ, ભારત આગામી ૧૫ વર્ષોમાં ૧૦૦ અબજ યુએસ ડોલરનું રોકાણ આકર્ષિત કરવાનો અને દસ લાખ સીધી નોકરીઓનું સર્જન કરવાનો લક્ષ્યાંક ધરાવે છે.
પ્રધાનમંત્રી મોદીએ કહ્યું કે ભારત અને સ્વિટ્ઝર્લૅન્ડે સ્વિટ્ઝર્લૅન્ડમાં ભારતીય નિકાસ માટે બજાર ઍક્સેસ વધારવા અને બંને દેશો વચ્ચે રોકાણને વધુ સરળ બનાવવા માટે ઘણા મહત્વપૂર્ણ ર્નિણયો લીધા છે.
તેમણે કહ્યું કે આનાથી સ્વિટ્ઝર્લૅન્ડમાં ભારતીય કૃષિ ઉત્પાદનો, ફાર્માસ્યુટિકલ્સ, કાપડ અને એન્જિનિયરિંગ માલની નિકાસ વધશે. શ્રી મોદીએ કહ્યું કે તે જ સમયે, ભારત બાયોટેકનોલોજી, જીવન વિજ્ઞાન, બેંકિંગ, વીમા, ખાદ્ય પ્રક્રિયા અને ટકાઉપણું જેવા મહત્વપૂર્ણ ક્ષેત્રોમાં નવા સ્વિસ રોકાણો આકર્ષિત કરશે.
પ્રધાનમંત્રીએ કહ્યું કે, આ પહેલો દ્વારા, બંને રાષ્ટ્રો સમગ્ર વિશ્વ માટે વિશ્વસનીય સપ્લાય ચેઇન અને વિશ્વસનીય ઉકેલો વિકસાવવા માટે સાથે મળીને કામ કરશે.
તેમણે કહ્યું કે બંને રાષ્ટ્રોએ લશ્કરી આદાનપ્રદાન અને સંરક્ષણ ઉત્પાદનમાં સહયોગ માટે નવી શક્યતાઓ ઓળખી કાઢી છે. શ્રી મોદીએ કહ્યું કે તેઓ પરમાણુ ઊર્જામાં સહયોગને વધુ ગાઢ બનાવવા માટે પણ સંમત થયા છે.
રાષ્ટ્રપતિ પરમેલિન સોમવારે સવારે ભારતની ત્રણ દિવસની રાજ્ય મુલાકાત પર નવી દિલ્હી પહોંચ્યા, તેમની સાથે વરિષ્ઠ અધિકારીઓ અને વ્યાપારી નેતાઓનો સમાવેશ થતો ઉચ્ચ સ્તરીય પ્રતિનિધિમંડળ પણ હતો. એરપોર્ટ પર માર્ગ પરિવહન અને ધોરીમાર્ગ રાજ્ય મંત્રી અજય ટમટાએ તેમનું સ્વાગત કર્યું.
રાષ્ટ્રપતિ ભવનના પ્રાંગણમાં મુલાકાતે આવેલા મહાનુભાવનું વિધિવત સ્વાગત કરવામાં આવ્યું. રાષ્ટ્રપતિ દ્રૌપદી મુર્મુ અને વડાપ્રધાન નરેન્દ્ર મોદીએ સ્વિત્ઝર્લેન્ડના રાષ્ટ્રપતિનું સ્વાગત કર્યું. તેમને ત્રણેય સેનાઓની સંયુક્ત ગાર્ડ ઓફ ઓનર (સન્માન ગાર્ડ) આપવામાં આવી હતી.
વિધિવત સ્વાગત બાદ પત્રકારો સાથે વાત કરતા શ્રી પરમેલિને કહ્યું કે આ મુલાકાત એ વાત પર ભાર મૂકવાની ઉત્તમ તક છે કે સ્વિત્ઝર્લેન્ડ અને ભારત બંને આ સંબંધને કેટલું મહત્વ આપે છે.
તેમણે કહ્યું હતું કે, બંને દેશો વચ્ચેના સંબંધો સહિયારા લોકતાંત્રિક મૂલ્યો તેમજ વિશ્વાસ અને પરસ્પર આદર પર આધારિત છે. સ્વિત્ઝર્લેન્ડના રાષ્ટ્રપતિએ કહ્યું કે તેમની મુલાકાત અમારી ગાઢ, વ્યાપક અને લાંબા સમયથી ચાલી આવતી ભાગીદારીના વધુ વિકાસ, ઊંડાણ અને મજબૂતીકરણ તરફનું એક મહત્વપૂર્ણ પગલું છે.
વિદેશ મંત્રી ડૉ. એસ. જયશંકરે પણ રાષ્ટ્રપતિ પરમેલિન સાથે મુલાકાત કરી. સોશિયલ મીડિયા પોસ્ટમાં, ડૉ. જયશંકરે ભારત-સ્વિટ્ઝર્લેન્ડ ભાગીદારીને વધુ ગાઢ બનાવવા અને ભારત-ઈહ્લ્છ ્ઈઁછ (ટ્રેડ એન્ડ ઇકોનોમિક પાર્ટનરશિપ એગ્રીમેન્ટ)ની સંભાવનાઓને આગળ વધારવા અંગે રાષ્ટ્રપતિ પરમેલિનની ભાવનાઓની પ્રશંસા કરી.
તેમણે વિશ્વાસ વ્યક્ત કર્યો કે વડાપ્રધાન નરેન્દ્ર મોદી સાથે શ્રી પરમેલિનની મુલાકાત વિવિધ ક્ષેત્રોમાં સહયોગને વધુ વેગ આપશે.
મુલાકાતે આવેલા મહાનુભાવે રાજઘાટ ખાતે મહાત્મા ગાંધીને પુષ્પાંજલિ અર્પણ કરી. રાષ્ટ્રપતિ પરમેલિન આજે સાંજે રાષ્ટ્રપતિ દ્રૌપદી મુર્મુને મળશે. રાષ્ટ્રપતિ મુર્મુ તેમના સ્વિત્ઝર્લેન્ડના સમકક્ષ નેતાના સન્માનમાં સત્તાવાર ભોજન સમારંભનું પણ આયોજન કરશે.