દિલ્હી પોલીસે રાજધાનીમાં વિરોધ પ્રદર્શન યોજવાના પ્રયાસોના સંબંધમાં ૨૦થી વધુ હ્લૈંઇ નોંધી છે. આ કેસોમાં કાયદો અને વ્યવસ્થાના કથિત ભંગ, સરકારી કામમાં અવરોધ અને પોલીસ કર્મચારીઓ પર હુમલા જેવા આરોપોનો સમાવેશ થાય છે. રવિવાર, ૧૧ ઓક્ટોબરના રોજ સતત બીજા દિવસે દિલ્હીભરમાં સુરક્ષાની કડક વ્યવસ્થા જાળવી રાખવામાં આવી છે; ‘કોકરોચ જનતા પાર્ટી‘ (CJP) એ મુખ્ય ચૂંટણી કમિશનર જ્ઞાનેશ કુમાર સામેનો વિરોધ ચાલુ રાખવાની જાહેરાત કર્યા બાદ આ પગલાં લેવામાં આવ્યા છે.
નવા દેખાવોની શક્યતાને પગલે રાજધાનીમાં ૩૦,૦૦૦થી વધુ પોલીસ અને અર્ધલશ્કરી દળના જવાનો તૈનાત કરવામાં આવનાર છે. ઝ્રત્નઁએ રવિવારે સવારે ૧૦ વાગ્યે જંતર-મંતર ખાતે વધુ એક વિરોધ પ્રદર્શનની જાહેરાત કરી છે, જેમાં મતદાર યાદીની ‘સ્પેશિયલ ઇન્ટેન્સિવ રિવિઝન‘ (જીૈંઇ) પ્રક્રિયામાં કથિત અનિયમિતતાઓને લઈને કુમારના રાજીનામાની માંગ કરવામાં આવી છે.
દિલ્હી પોલીસે પ્રસ્તાવિત સભા માટે પરવાનગી આપવાનો ઇનકાર કર્યો હતો અને શનિવારે દેખાવકારોને જંતર-મંતર પહોંચતા રોકવા માટે હાથ ધરવામાં આવેલા વ્યાપક અભિયાનના ભાગરૂપે મોટી સંખ્યામાં પ્રદર્શનકારીઓની અટકાયત કરી હતી. ત્યારથી દિલ્હીની સરહદો, રેલવે સ્ટેશનો, બસ ટર્મિનલ અને અન્ય પરિવહન કેન્દ્રો સહિતના સંવેદનશીલ સ્થળોએ સુરક્ષા વ્યવસ્થા સઘન બનાવવામાં આવી છે.
દિલ્હીભરમાં ઝ્રછઁહ્લની ૧૨૦થી વધુ કંપનીઓ તૈનાત
સુરક્ષા વ્યવસ્થા સંભાળવામાં દિલ્હી પોલીસને મદદ કરવા માટે સેન્ટ્રલ આર્મ્ડ પોલીસ ફોર્સીસ ની ૧૨૦થી વધુ કંપનીઓ તૈનાત કરવામાં આવી છે. નવી દિલ્હી જિલ્લાને ૨૦ ઝોનમાં વહેંચવામાં આવ્યો છે, જ્યાં સંયુક્ત કમિશનર, ડેપ્યુટી કમિશનર અને વધારાના ડેપ્યુટી કમિશનર સ્થળ પરની સ્થિતિ પર નજર રાખી રહ્યા છે. વિવિધ એકમોનું નેતૃત્વ કરતા વિશેષ કમિશનરો પણ પરિસ્થિતિ પર ચાંપતી નજર રાખી રહ્યા છે. રાજધાનીની સરહદો પર સુરક્ષા વધારી દેવામાં આવી છે, જ્યારે હોટેલ્સ, ગેસ્ટ હાઉસ, લોજ અને ધર્મશાળાઓમાં વાહનોની તપાસ અને ચકાસણી સઘન બનાવવામાં આવી છે. પોલીસ સોશિયલ મીડિયા પ્લેટફોર્મ્સ પર પણ નજર રાખી રહી છે જેથી વિરોધ પ્રદર્શનકારીઓને એકત્રિત કરવાના પ્રયાસોને ઓળખી શકાય.
પોલીસે નાગરિકોને શાંતિ જાળવવા અને સુરક્ષા કર્મચારીઓને સહકાર આપવાની અપીલ કરી છે. મુસાફરોને મુસાફરી કરતા પહેલા સત્તાવાર જાહેરાતો તપાસવાની સલાહ આપવામાં આવી છે, કારણ કે પરિસ્થિતિના આધારે ટ્રાફિક નિયંત્રણો અને ડાયવર્ઝન (માર્ગ પરિવર્તન) લાગુ કરવામાં આવી શકે છે.
નવી દિલ્હી અને મધ્ય દિલ્હીમાં ટ્રાફિક નિયંત્રણોની શક્યતા
રવિવારે નિર્ધારિત વિરોધ પ્રદર્શન પહેલાં, દિલ્હી ટ્રાફિક પોલીસે નવી દિલ્હી અને મધ્ય દિલ્હીમાં ટ્રાફિકમાં સંભવિત અવરોધો અંગે ચેતવણી આપી છે. સ્થળ પરની પરિસ્થિતિને ધ્યાનમાં રાખીને સવારે ૬ વાગ્યાથી વાહનવ્યવહારના રૂટમાં ફેરફાર (ડાયવર્ઝન) અમલમાં આવી શકે છે. રેલવે સ્ટેશનો, આંતર-રાજ્ય બસ ટર્મિનલ્સ અને એરપોર્ટ તરફ જતા મુસાફરોને સલાહ આપવામાં આવે છે કે તેઓ તેમની મુસાફરી માટે વધારાનો સમય ફાળવે અને અસરગ્રસ્ત વિસ્તારોમાંથી બિન-જરૂરી અવરજવર ટાળે.
ઝ્રત્નઁએ જણાવ્યું છે કે જ્યાં સુધી તેમની માંગણીઓ સંતોષવામાં ન આવે ત્યાં સુધી ચૂંટણીલક્ષી પારદર્શિતા માટેનું તેમનું અભિયાન વિવિધ રાજ્યોમાં ચાલુ રહેશે. દરમિયાન, પરિસ્થિતિને જાેતાં અનધિકૃત મેળાવડા રોકવા અને કાયદો-વ્યવસ્થા જાળવી રાખવા માટે દિલ્હી પોલીસ રાજધાનીમાં સુરક્ષા વ્યવસ્થા સઘન બનાવી રહી છે.