સાબરકાંઠા જીલ્લા ભાજપમાં હડકંપ મચી જવા પામ્યો છે કારણ કે, જીલ્લા ઉપપ્રમુખ કમલેશ બારોટ સામે એટ્રોસિટી એક્ટ હેઠળ ફરિયાદ નોંધાતાં રાજકીય વર્તુળોમાં ચર્ચા જાગી છે. જિલ્લાના ચાંપલાનાર ગામે એક યુવક સાથે મારામારી કરવા અને જાતિવાચક ભાષાનો ઉપયોગ કરવાના આક્ષેપ સાથે ગાંભોઈ પોલીસ મથકે ફરિયાદ નોંધાવવામાં આવી છે.
આ મામલે મીડિયા સુત્રો પાસેથી મળતી માહિતી મુજબ, ચાંપલાનાર ગામે યુવક સાથે થયેલી મારામારીની ઘટનામાં ભાજપના જિલ્લા ઉપપ્રમુખ કમલેશ બારોટ સહિત ત્રણ શખ્સો સામે પોલીસ ફરિયાદ નોંધાઈ છે. ફરિયાદમાં યુવક સાથે જાતિવાચક શબ્દોનો ઉપયોગ કરવામાં આવ્યો હોવાનો પણ આક્ષેપ કરવામાં આવ્યો છે.
આ મામલે ગાંભોઈ પોલીસ મથકે અનુસૂચિત જાતિ અને અનુસૂચિત જનજાતિ (અત્યાચાર નિવારણ) અધિનિયમ એટલે કે એટ્રોસિટી એક્ટ હેઠળ ગુનો નોંધવામાં આવ્યો છે.
જાે કે, હાલ તો આ મામલે ફરિયાદના આધારે કાયદેસરની કાર્યવાહી હાથ ધરવામાં આવે તેવી વિગતો સામે આવી છે. જાેકે, ઘટનાની ચોક્કસ વિગતો, ફરિયાદમાં કરાયેલા અન્ય આક્ષેપો અને પોલીસ તપાસની પ્રગતિ અંગે વધુ સત્તાવાર માહિતી મળવાની બાકી છે.