આર્મી પબ્લિક સ્કૂલ, અમદાવાદ ખાતે કમ્પ્યુટેશનલ થિંકિંગ અને આર્ટિફિશિયલ ઇન્ટેલિજન્સ (AI) વિષય પર CBSE દ્વારા પ્રાદેશિક પરિષદનું આયોજન કરવામાં આવ્યું હતું. 24 October 2026ના રોજ યોજાયેલી આ પરિષદમાં આચાર્યો અને શિક્ષકો સહિત લગભગ 300 જેટલા સહભાગીઓએ ઉત્સાહપૂર્વક ભાગ લીધો હતો. શિક્ષણના બદલાતા સ્વરૂપ અને ભવિષ્યની નવી તકો અંગે વિચારોના આદાનપ્રદાન માટે આ પરિષદ એક મહત્વપૂર્ણ મંચ બની રહી હતી.
આ પરિષદમાં મુખ્ય અતિથિ તરીકે આર્મી પબ્લિક સ્કૂલ, અમદાવાદના પેટ્રન મેજર જનરલ એ.કે. મોહલા (GOC, 11 RAPID (H)) તેમજ ચેરમેન બ્રિગેડિયર મોહિત સક્સેના (Vr C) ઉપસ્થિત રહ્યા હતા. ઉપરાંત CBSE અમદાવાદના પ્રાદેશિક અધિકારી અનિલ કુમાર ઠાકુર, સંયુક્ત સચિવ (IT) વિનોદ દયાલાની, સેન્ટર ઑફ એક્સેલન્સના વડા ડો.. મૃદુલા સિંહ અને IIT ગાંધીનગરના ટીચિંગ પ્રોફેસર તથા સેન્ટર ફોર ક્રિએટિવ લર્નિંગના મુખ્ય સંયોજક પ્રોફેસર. મનીષ જૈન વિશેષ ઉપસ્થિત રહ્યા હતા. યજમાન આચાર્યા સંગીતા પટેલે તમામ અતિથિઓનું ઉષ્માભર્યું સ્વાગત કર્યું હતું.