ભાયાવદર કોલેજના ૬ ખેલાડીઓ અને કોચની વેસ્ટ ઝોન આંતર યુનિવર્સિટી કબડ્ડી સ્પર્ધા માટે સૌરાષ્ટ્ર યુનિવર્સિટીની ટીમમાં પસંદગી

રિપોર્ટર વિજય રાડીયા ઉપલેટા

મધ્યપ્રદેશની સાગર યુનિવર્સિટી ખાતે આગામી સમયમાં યોજાનારી વેસ્ટ ઝોન આંતર યુનિવર્સિટી કબડ્ડી સ્પર્ધા (ભાઈઓ) માટે સૌરાષ્ટ્ર યુનિવર્સિટીની ટીમની જાહેરાત કરવામાં આવી છે. આ ટીમમાં ભાયાવદરની શ્રી એચ. એલ. પટેલ આર્ટ્સ એન્ડ કોમર્સ કોલેજ અને શ્રી પી. ટી. માકડીયા લો કોલેજના ગૌરવ સમાન ૬ ખેલાડીઓની ભવ્ય પસંદગી થઈ છે.

આ ઉપરાંત કોલેજ માટે બેવડી ખુશીના સમાચાર એ છે કે, આ જ કોલેજના પી.ટી.આઈ. (PTI) ડૉ. જેનીશ ભોજાણી સાહેબની સૌરાષ્ટ્ર યુનિવર્સિટી ટીમની સત્તાવાર કોચ અને મેનેજર તરીકે પસંદગી કરવામાં આવી છે.

કોલેજના ખેલાડીઓ અને પી.ટી.આઈ. સાહેબની આ અભૂતપૂર્વ સિદ્ધિ બદલ સંસ્થાના તમામ પદાધિકારીઓ અને સ્ટાફ પરિવારમાં હર્ષની લાગણી વ્યાપી ગઈ છે. આ સમગ્ર પસંદગી પામેલ વિદ્યાર્થીઓ અને કોચને:

* શ્રી વિપુલભાઈ પી. માકડીયા સાહેબ (મેનેજિંગ ટ્રસ્ટી, સર્વોદય કેળવણી મંડળ, ભાયાવદર)

* ડૉ. કે. એમ. માયાવંશી સાહેબ (પ્રિન્સિપાલ)

* સમગ્ર ટ્રસ્ટીગણ

* કોલેજના શૈક્ષણિક અને વહીવટી સ્ટાફ પરિવાર

આ તમામ મહાનુભાવોએ ખેલાડીઓને હાર્દિક કક્ષાએ ઉત્કૃષ્ટ પ્રદર્શન કરી કોલેજ તેમજ યુનિવર્સિટીનું નામ રોશન કરે તેવી શુભેચ્છાઓ વ્યક્ત કરી છે. સૌરાષ્ટ્ર યુનિવર્સિટીની આ ટીમ આગામી દિવસોમાં મધ્યપ્રદેશ ખાતે યોજાનાર આ મુકાબલામાં પોતાનું કૌવત બતાવવા રવાના થશે.