જામનગરના ધ્રોલ, કાલાવડ, લાલપુર અને જામજોધપુર ખાતે વાહનના ફીટનેશ કેમ્પનું આયોજન  

જામનગર જિલ્લાની જાહેર જનતાને જણાવવાનું કે વાહન વ્યવહાર કમિશનરશ્રીની કચેરીમાંથી થયેલ સુચના મુજબ વાહનના ફીટનેશ કેમ્પનું આયોજન કરવામાં આવેલ છે. આ ફીટનેશ કેમ્પમાં સામાજિક અંતર જળવાઇ રહે તેવી વ્યવસ્થા સાથે ફીટનેશ કેમ્પ તા.૨૩/૦૫/૨૦૨૨ના રોજ GEB ઓફિસની સામે, વાવડી રોડ કાલાવડ ખાતે, તા.૨૪/૦૫/૨૦૨૨ના રોજ ડો.બાબા સાહેબ આંબેડકરની પ્રતિમા સામે, બાયો ડિઝલ પંપ પાસે ધ્રોલ ખાતે તેમજ તા.૨૫/૦૫/૨૦૨૨ના લાલપુર અને જામજોધપુર ખાતે રાખવામાં આવેલ છે.આ કેમ્પમાં તમામ પ્રકારના વાહનોનું ઈન્સ્પેકશન કરવાનું રહેશે. જો આ કેમ્પમાં કોવિડ-૧૯ની ગાઇડલાઇનનો ભંગ થયેલ જણાશે તો કેમ્પ તાત્કાલિક અસરથી રદ કરવામાં આવશે તેમ પ્રાદેશિક વાહનવ્યવહાર અધિકારી જામનગરની યાદીમાં જણાવવામાં આવ્યું છે.