મુંબઈ
છેલ્લા ઘણા સમયથી ‘તારક મહેતા કા ઉલ્ટા ચશ્મા’ દર્શકોનું મનોરંજન કરી રહ્યો છે. જ્યાં લોકો આ શોમાં દયાબેનની વાપસીની રાહ જાેઈ રહ્યા છે, તો બીજી તરફ શોના અન્ય એક મહત્વપૂર્ણ પાત્ર શૈલેષ લોઢાના શો છોડવાના સમાચાર છેલ્લા ઘણા દિવસોથી આવી રહ્યા છે. તે જ સમયે, શૈલેષ લોઢાએ આ સમાચારોને લઈને મૌન તોડ્યું છે. શૈલેષ લોઢા શો ‘તારક મહેતા કા ઉલ્ટા ચશ્મા’માં જાેવા મળશે કે નહીં તેનો જવાબ માત્ર શૈલેષ લોઢા જ આપી શકે છે. હાલમાં જ શૈલેષ તેના આગામી શો ‘વાહ ભાઈ વાહ’ના પ્રમોશન માટે આવ્યો હતો. આ દરમિયાન અભિનેતાને શોમાં પરત ફરવા અંગે એક પ્રશ્ન પૂછ્યો હતો. જવાબમાં શૈલેષે આવી વાત કહી જે જાણીને ચાહકો વધુ મૂંઝાઈ જશે. શૈલેષ લોઢાએ જવાબમાં કહ્યું- ‘આજે અમે વાહ ભાઈ વાહ માટે આવ્યા છીએ, તેથી અમે ફક્ત તેમના વિશે જ વાત કરીએ છીએ.’ શૈલેષ લોઢાના આ જવાબથી એ સ્પષ્ટ નથી થયું કે તેમણે ‘તારક મહેતા’ શો છોડ્યો છે કે નહીં. પરંતુ એ વાત ચોક્કસ છે કે ઘણા સમયથી અભિનેતા આ શોમાં જાેવા મળ્યાં નથી. આવી સ્થિતિમાં, અભિનેતા શો છોડવાના સમાચાર પર ચોક્કસપણે મોહર લાગે છે. જાેકે, આ અંગે અભિનેતા કે નિર્માતાઓ તરફથી કોઈ સત્તાવાર નિવેદન આવ્યું નથી. દરમિયાન શોના નિર્માતા અસિત મોદીએ દયાબેનના શોમાં પાછા ફરવાની મંજૂરી આપી દીધી છે. પરંતુ આ શોમાં દયાબેનની ભૂમિકામાં દિશા વાકાણી નહીં, પરંતુ એક નવી અભિનેત્રી આ ભૂમિકા ભજવતી જાેવા મળશે. ખાસ વાત એ છે કે નવી દયાબેનની શોધ માટે ઓડિશન પણ શરૂ કરવામાં આવ્યા છે.
