ઊના ભાવનગર ફોરટેક હાઇવે રસ્તા પર આવેલ ગાંગડા ગામ પાસે નવો પુલ બનાવવામાં આવ્યો છે. પરંતુ આ પુલ ઉપર રસ્તાની વચ્ચે તેમજ બન્ને સાઇડોમાં કામગીરી પૂર્ણ ન કરતા અને અધુરૂ છોડી મુકી દેતા રસ્તાની સાઇડોમાં કટ હોવાના કારણે વાહન ચાલકોને અકસ્માતનો ભય સતાવી રહ્યો છે. નેશનલ હાઇવે ઓથોરીટી દ્રારા આ રસ્તાને ખુલ્લો મુકી દેતા મુખ્ય હાઇવે પર હજારોની સંખ્યામાં પસાર થતા વાહન ચાલકોને અકસ્માત સર્જાવાની ભીતી સેવાય રહી છે. ત્યારે આ પુલ પર હાઇવે દ્રારા સાઇડોને બુરવા તેમજ રસ્તા વચ્ચે ધીંગરાને રસ્તાના લેવલ મુજબ વ્યવસ્થિત કરી વાહન અકસ્માત ન થાય તેને ધ્યાને રાખી તાત્કાલીક કામગીરી કરવા વાહન ચાલકોની માંગણી ઉઠવા પામેલ છે.
