નડિયાદ
નડિયાદ ગ્રામ્ય પોલીસે થલેડી ગામની સીમ ડેમોલથી થલેડી ગામ તરફ જતા નાળીયામાં મોટી કેનાલ નજીક એક ટ્રક અને ટેકટરમાં ભારતીય બનાવટનો વિદેશી દારૂની કટીંગ થાય છે તે બાતમીના આધારે બે પંચોને બોલાવી બાતમી હકીકતથી વાકેફ કરી બાતમીવાળી જગ્યાએ ગત ડિસેમ્બર માસમાં રેડ કરતા તે જગ્યાએ એક ટ્રેક્ટર અને ટ્રક મળી આવ્યા હતા. ટ્રકમાં ડ્રાઈવર સાઈડની બાજુમાં એક ઈસમ બેઠેલનું નામઠામ પૂછતા અનિલભાઈ ઉર્ફે કામ્લી પૂનમભાઈ પરમાર (રહે.આખડોલ) હોવાનુ જયારે ટ્રેક્ટર ઉપર બેઠેલ ઈસમને તેનું નામઠામ પુછતા તેણે પોતાનું નામ વિનુભાઈ શિવાભાઈ પરમાર (રહે થલેડી) હોવાનુ બહાર આવ્યું હતું અને ટેકટરમાં બેઠેલ ઈસમને સદર ભારતીય બનાવટના વિદેશી દારૂ બાબતે પુછપરછ કરતા તેઓ આં મુદામાલ ભરી આવેલ હોવાનુ જણાવ્યું હતું પોલીસે રૂપિયા ૧૦ લાખ ૬૮ હજારનો વિદેશી દારૂ સાથે બંને ઈસમને પકડી પાડયા હતા. આ બંને ઈસમોએ જામીન પર છુટવા માટે નડિયાદ સેશન્સ કોર્ટમાં જામીન અરજી મુકી હતી સરકારી વકીલ ઉમેશ ઢગટની દલીલો માન્ય રાખી બંનેની જામીન અરજી કોર્ટે ફગાવી દીધી છે.નડિયાદ ગ્રામ્ય પોલીસની હદમાં થલેડી ગામની સીમ ડેમોલથી થલેડી ગામ તરફ જતા નાળીયામાં મોટી કેનાલ પાસેથી પોલીસે રૂપિયા ૧૦.૬૮ લાખના વિદેશી દારૂ સાથે બેને પકડી લીધા હતા. આ બંનેએ નડિયાદ કોર્ટમાં જામીન અરજી મુકી હતી જે કોર્ટે ફગાવી દીધી છે.
