વેરાવળ
વેરાવળ ચોપાટી ખાતે એક મહિલા દરિયામાં ઝંપલાવી આપઘાતનો પ્રયાસ કરતી જાેવા મળતા ફરજ પરના હોમગાર્ડ જવાન કૈલાશભાઈ સોલંકી, જયેશભાઈ ગઢીયા આ મહિલા પાસે પહોંચ્યા હતા અને સમજાવવાનો પ્રયાસ કર્યો હતો. પરંતુ પરિણામ ન મળતા વેરાવળ સીટી પોલીસને જાણ કરાતા એએસઆઈ મોહનભાઈ, રાજુભાઈ, હિમંતભાઈ, કરશનભાઈ, રોહીતભાઈ સહિતનો સ્ટાફ સ્થળ પર પહોંચ્યો હતો. અને મહિલાને સમજાવી આપઘાત કરી અટકાવી હતી. બાદમાં આ મહિલાને સામાન્ય ઈજા પહોંચતા સારવાર માટે સિવીલ હોસ્પિટલ ખાતે લઈ જવાઈ હતી જ્યાં આપઘાતનું કારણ પૂછતા પતિ તથા સાસરિયાઓ સાથે ઝઘડો થયો હોય જેમના ટેન્શનમાં આ પગલુ ભરેલ હોવાનું કહ્યું હતું. બાદમાં સાસરિયાઓને બોલાવી વાતચીત કરી સુખદ સમાધાન કરાવ્યું હતું.
