ગીર સોમનાથ જિલ્લામા રમત-ગમત યુવા અને સાંસ્કૃતિક પ્રવૃતિઓ વિભાગ, ગાંધીનગર દ્વારા પ્રેરીત કમિશનરશ્રી, યુવક સેવા અને સાંસ્કૃતિક પ્રવૃતિઓની કચેરી, ગાંધીનગર દ્વારા સાહસ- શોર્ય, તબીબી અને સેવા- જાહેર સુખાકારી ક્ષેત્રે વિશિષ્ટ સિધ્ધી હાંસલ કરનારને એવોર્ડ એનાયત કરવા માટે અરજીઓ મંગાવાઇ છે.
વર્ષ- ૨૦૧૪, ૨૦૧૫, ૨૦૧૬, ૨૦૧૭, ૨૦૧૮, ૨૦૧૯, ૨૦૨૦, ૨૦૨૧ જેતે વર્ષની તા. ૦૧ જાન્યુઆરી થી ૩૧- ડિસેમ્બર સુધીના સમયગાળા સાહસ- શોર્ય, તબીબી અને સેવા- જાહેર સુખાકારી ક્ષેત્રમાં નોધપાત્ર કામગીરી કરી વિશિષ્ટ સિધ્ધી હાંસલ કરી હોય તેવા ગુજરાત રાજયના કોઇપણ વ્યકિ/સંસ્થાનું સરકારશ્રી દ્વારા સન્માન કરી એવોર્ડ એનાયત કરવા માટે અરજી મંગાવવામાં આવે છે.
નિયત નમુનાની અરજી જિલ્લા યુવા વિકાસ અધિકારીશ્રી , જિલ્લા રમત ગમત અધિકારીની કચેરી, “જિલ્લા સેવા સદન”રૂમ નં: ૩૧૩-૩૧૪, બીજો માળ, ઈણાજ, ખાતે તા.૨૦/૦૯/૨૦૨૨ સુધીમાં કચેરી સમય દરમ્યાન કામકાજના દિવસોમાં માંગ્યા મુજબની તમામ વિગતો ભરી જમાં કરાવવાનું રહેશે. તેમ ગીર સોમનાથ જિલ્લા રમત ગમત અધિકારીની કચેરીની યાદીમા જણાવવામા આવ્યુ છે.