ભરૂચ એલસીબી પોલીસે અંકલેશ્વર નેશનલ હાઇવે ઉપર હોટલના પાર્કિંગમાંથી વિદેશી દારૂનો જથ્થો ભરેલો ટેમ્પો ઝડપી પાડ્યો

ભરૂચ
ભરૂચ એલસીબી પોલીસ ની મળી હતી મોટી સફળતા, અંકલેશ્વર નેશનલ હાઇવે ઉપર પાનોલી નજીક એક હોટલના પાર્કિંગમાંથી વિદેશી દારૂનો જથ્થો ભરેલો ટેમ્પો ઝડપી પાડ્યો હતો. પોલીસે ૯.૬૪ લાખનો દારૂ મળી કુલ ૧૪.૬૪ લાખથી વધુનો મુદ્દામાલ કબ્જે કરી તપાસ હાથ ધરી છે. ભરૂચ એલસીબી પોલીસ મથકનો સ્ટાફ અંકલેશ્વર વિસ્તારમાં પેટ્રોલિંગમાં હતો. આ દરમિયાન બાતમી મળી હતી કે, અંકલેશ્વર નેશનલ હાઇવે ઉપર પાનોલી પાસે આવેલી હોટલના પાર્કિંગમાં વિદેશી દારૂ ભરેલો ટેમ્પો સંતાડી રાખ્યો છે. જેવી બાતમીના આધારે પોલીસે દરોડા પાડ્યા હતા. પોલીસે ટેમ્પો નંબર-જી.જે.૧૬.એ.યુ.૯૫૯૭માં તપાસ કરતા તેમાંથી વિદેશી દારૂની ૬૭૪૪ નંગ બોટલ મળી આવી હતી. જેથી પોલીસે ૯.૬૪ લાખનો દારૂ અને ૫ લાખનો ટેમ્પો મળી કુલ ૧૪.૬૪ લાખથી વધુનો મુદ્દામાલ કબ્જે કર્યો હતો અને ટેમ્પો ચાલકને વોન્ટેડ જાહેર કરી વધુ તપાસ હાથ ધરી છે.