મુંબઈ
હોલિવૂડ ફિલ્મ ફોરેસ્ટ ગમ્પની રીમેક તરીકે આમિર ખાને લાલસિંહ ચઢ્ઢા બનાવી હતી. બોક્સ ઓફિસ પર આ ફિલ્મને કારમી નિષ્ફળતા મળ્યા બાદ આમિર ખાને હવે સ્પેનિશ ફિલ્મની રીમેક બનાવવાનો ર્નિણય લીધો છે. છેલ્લી ફિલ્મની નિષ્ફળતાને ખંખેરવા આમિર ખાન હાલ પ્રયાસ કરી રહ્યા છે અને તેઓ અમેરિકામાં વેકેશન પર છે. પરત આવ્યા બાદ સ્પેનિશ ફિલ્મ કેમ્પીઓન્સનું શૂટિંગ શરૂ થશે. સ્પેનિશ ફિલ્મની રીમેકનું નામ હજુ ફાઈનલ થયું નથી, પરંતુ તેને શુભ મંગલ સાવધાન ફેમ આર.એર. પરસાણા ડાયરેક્ટ કરવાના છે. લીડ રોલ માટે અનુષ્કા શર્મા સાથે વાતચીત ચાલી રહી હોવાનું કહેવાય છે. રિપોર્ટ્સ મુજબ, ફિલ્મનું પ્રી પ્રોડક્શન શરૂ થઈ ગયું છે અને છ મહિનાના શીડ્યુલમાં ફિલ્મનું શૂટિંગ પૂરું કરવાનું આયોજન છે. ફિલ્મને સોની પિક્ચર્સ ઈન્ડિયા દ્વારા પ્રોડ્યુસ કરવામાં આવશે. કાસ્ટિંગ અને લોકેશન પસંદગીનું કામ પૂર જાેશમાં ચાલી રહ્યું છે. યુએસથી પરત આવ્યા બાદ જાન્યુઆરી ૨૦૨૩થી શૂટિંગ શરૂ કરવાનો આમિરનો પ્લાન છે. રીમેકમાં શંકર-એહસાન-લોય મ્યૂઝિક આપે તેવી શક્યતા છે. આમિર અને સંગીતકાર બેલડીએ અગાઉ દિલ ચાહતા હૈ અને તારે જમીં પરમાં સાથે કામ કર્યું હતું. રીમેકનું બેકગ્રાઉન્ડ પંજાબનું છે અને આમિર ખાન તેમાં તુંડમિજાજી બાસ્કેટ બોલ કોચનો રોલ કરી રહ્યા છે. આમિર ખાનને સજાના ભાગરૂપે સમાજ સેવા સોંપાય છે અને તેણે દિવ્યાંગોને બાસ્કેટ બોલ શીખવવાનું છે. ઈન્ડિયન ઓડિયન્સને ધ્યાનમાં રાખી સ્ટોરીમાં કેટલાક ફેરફાર કરાયા છે.
