મુંબઈ
આગામી ૧૧ ઓગસ્ટે બોક્સ ઓફિસ પર બે બિગ બજેટ ફિલ્મોની ટક્કરે ખાસી ચર્ચા જગાવી છે. રક્ષાબંધનના તહેવાર પર આમિરની ‘લાલ સિંહ ચઢ્ઢા’ અને અક્ષય કુમારની ‘રક્ષાબંધન’ રિલીઝ થઈ રહી છે. એક બોલિવૂડ વેબસાઈટે કરેલા સર્વેમાં દર્શકોમાં આમિરની ફિલ્મ કરતા અક્કીની ફિલ્મ માટે ઉત્સુકતા વધુ જાેવા મળી છે. ફિલ્મ ‘રક્ષાબંધન’ની પ્રમોશનલ ઈવેન્ટ દરમિયાન આ ફિલ્મનું પહેલું સોન્ગ ‘તેરે સાથ હૂં મેં’ લોન્ચ કરવામાં આવ્યું હતું. આ પ્રેસ કોન્ફરન્સમાં ડિરેક્ટર આનંદ એલ. રાય, અક્ષય કુમાર અને હિમેશ રેશમિયા હાજર રહ્યા હતા. છેલ્લા બે દાયકાથી હિમેશ રેશમિયાએ બોલિવૂડમાં અનેક સુપરહિટ સોન્ગ્સ આપ્યા છે. હિમેશના કામના વખાણ કરતા અક્ષયે કહ્યું હતું કે, મેં અને હિમેશે અનેક ફિલ્મોમાં સાથે કામ કર્યું છે. ‘ફિર હેરા ફેરી’, ‘ઐતરાઝ’, ‘નમસ્તે લંડન’, ‘હમકો દીવાના કર ગયે’ જેવી અનેક ફિલ્મોમાં તેણે હિટ સોન્ગ આપ્યા છે. હિમેશનું કહેવું છે કે, જયારે હું તેની સાથે હોઉં છું ત્યારે તેનું મ્યુઝિક વધુ સારું બને છે. જયારે પણ હું તેના સ્ટુડિયો પર મ્યુઝિક માટે ગયો છું ત્યારે મેં જાેયું છે કે, તે બહુ સરળતાથી કામ કરે છે અને ફક્ત ૧૦ મિનિટમાં જ સોન્ગ કમ્પોઝ કરી લે છે. અક્કીએ કરેલ વખાણ સાંભળીને હિમેશે કહ્યું હતું કે, હું નાનપણમાં ટ્રેઈનિંગ દરમિયાન શીખ્યો હતો કે, દરેક એક્ટર માટે એક ટિપિકલ સોન્ગ હોય છે. બધા એક્ટર દરેક સોન્ગમાં સેટ થઈ શકતા નથી પરંતુ અક્ષયના કેસમાં એવું નથી. તે દરેક સોન્ગ અને મ્યુઝિકમાં શોભે છે. અમારી જાેડીએ અનેક સારા સોન્ગ આપ્યા છે અને ઓડિયન્સે પણ ખૂબ જ પ્રેમ આપ્યો છે. મને આશા છે કે, દર્શકો ફિલ્મ ‘રક્ષાબંધન’ના સોન્ગ્સને પણ પોઝિટિવ રિસ્પોન્સ આપશે અને ભવિષ્યમાં પણ અક્ષયની ફિલ્મો માટે મ્યુઝિક કમ્પોઝ કરવાનો મોકો મળતો રહેશે.
