મુંબઈ
કેટરિના પોતે વિક્કીને ડ્રોપ કરવા એરપોર્ટ ગઈ હતી. આ દરમિયાન બંને એક જ રંગના આઉટફિટ પહેરેલા જાેવા મળ્યા હતા. હવે વિક્કી કામ પર ગયા બાદ કેટરીના પણ તેની ફિલ્મના શૂટિંગમાં વ્યસ્ત થઈ જશે. આ ફિલ્મ સિવાય વિક્કી સામ બહાદુર અને શશાંક ખેતાનની ફિલ્મ ગોવિંદા નામ મેરામાં પણ જાેવા મળશે. તે જ સમયે, કેટરિના કૈફ તેની આગામી ફિલ્મ હેપ્પી ન્યૂ યરનું શૂટિંગ શરૂ કરવાની છે.વિક્કી કૌશલ હાલ મુશ્કેલીમાં છે. ઈન્દોરના એક વ્યક્તિએ એક્ટર વિરુદ્ધ ફરિયાદ નોંધાવી છે. આ વ્યક્તિનો દાવો છે કે વિક્કીએ ફિલ્મના સીન માટે બાઇકનો ઉપયોગ કર્યો છે અને તે બાઇક પરની નંબર પ્લેટ તેની છે. આ ફરિયાદ ત્યારે નોંધવામાં આવી છે જ્યારે સેટ પરથી વિક્કી અને સારા અલી ખાનના ફોટા સોશિયલ મીડિયા પર વાયરલ થયા છે. ફરિયાદીએ કહ્યું, “ફિલ્મમાં એક સીનમાં બાઇક પર જે નંબર પ્લેટનો ઉપયોગ કરવામાં આવ્યો છે તે મારી છે. મને ખબર નથી કે ફિલ્મના યુનિટને આ વિશે ખબર છે કે નહીં, પરંતુ તે ગેરકાયદેસર છે. તેઓ મારી પરવાનગી વિના મારી નંબર પ્લેટનો ઉપયોગ કરી શકતા નથી. મેં પોલીસ સ્ટેશનમાં ફરિયાદ આપી છે. આ મામલે કાર્યવાહી થવી જાેઈએ સબ-ઇન્સ્પેક્ટરે કહ્યું કે, અમને ફરિયાદ મળી છે. અમે જાેઈએ છીએ કે નંબર પ્લેટનો ગેરકાયદેસર ઉપયોગ થયો છે કે નહીં. જાે ખરેખર નંબર પ્લેટનો દુરુપયોગ થયો હશે તો અમે મોટર વ્હીકલ એક્ટ મુજબ કાર્યવાહી કરીશું. જાે ફિલ્મ યુનિટ ઈન્દોર છે તો અમે તેમની પૂછપરછ કરીશું. જાે કે, ફરિયાદ કરનાર વ્યક્તિએ કેટલાક ફોટોગ્રાફર્સ પણ શેર કર્યા છે જેમાં તેની લાયસન્સ પ્લેટનો નંબર છે. ગયા અઠવાડિયે વિક્કી અને સારાના કેટલાક ફોટા વાયરલ થયા હતા જે બંનેની આગામી ફિલ્મના હતા. આ દરમિયાન સારા અને વિક્કી ખૂબ જ સિમ્પલ લુકમાં જાેવા મળ્યા હતા. બંને ઈન્દોરની ગલીઓમાં શૂટિંગ કરતા જાેવા મળ્યા હતા. સારા ભારતીય લૂકમાં પણ જાેવા મળી હતી અને તેના માથામાં સિંદૂર પણ જાેવા મળ્યું હતું. હવે જાેઈએ કે આ કેસમાં શું થાય છે અને ફિલ્મ કે અભિનેતા સામે શું કાર્યવાહી થાય છે. તમને જણાવી દઈએ કે વિક્કીએ કેટરીના કૈફ સાથે નવું વર્ષ સેલિબ્રેટ કરવા માટે શૂટિંગમાંથી બ્રેક લીધો હતો અને તે મુંબઈ આવ્યો હતો. નવા વર્ષની ઉજવણી કર્યા પછી વિક્કી ૧ જાન્યુઆરીની સાંજે કામ પર પરત ફર્યો હતો.
