મુંબઈમાંથી ૧ કરોડ ૯૫ લાખના ચરસ સાથે ૧ની ધરપકડ

મુંબઈ
મુંબઈની દહિસર પોલીસે ડ્રગ્સનો મોટો જથ્થો જપ્ત કર્યો છે. દહિસરના ટોલ નાકા પાસે આ મોટી કાર્યવાહીમાં ૬ કિલો ૫૬૦ ગ્રામ ચરસ સાથે એક આરોપીની ધરપકડ કરવામાં આવી છે. જપ્ત કરાયેલ ચરસની આંતરરાષ્ટ્રીય બજારમાં કિંમત ૧ કરોડ ૯૫ લાખ છે. પકડાયેલા આરોપીનું નામ વિજય ચૌહાણ છે. આરોપી વિજય ચૌહાણ ચરસ વેચવા માટે યુપીથી મુંબઈ આવ્યો હતો. મુંબઈ પોલીસને દહિસર નજીક ચરસ લાવનાર વ્યક્તિની સૂચના મળી હતી. પ્રાપ્ત માહિતીના આધારે પોલીસે આરોપીને દહિસર ચેક નાકા પાસે જાળ બિછાવીને પકડી પાડ્યો હતો. આરોપી વિરુદ્ધ એનડીપીએસ એક્ટ હેઠળ કેસ નોંધવામાં આવ્યો છે. એક વ્યક્તિ ડ્રગ્સ લઈને દહિસર આવવાનો છે. તેના આધારે કાર્યવાહી કરીને આરોપીને પકડવામાં સફળતા મળી છે. મુંબઈમાં આરોપી વિજય ચૌહાણ (૩૨)નું ઠેકાણું મલાડના માલવાણીમાં છે. પોલીસ દ્વારા તપાસ શરૂ કરવામાં આવી છે. કોર્ટે આરોપીઓને ૧૭ માર્ચ સુધી પોલીસ કસ્ટડી આપી છે. મુંબઈ પોલીસ આરોપીની પૂછપરછ કરી રહી છે કે તેની સાથે કેટલા લોકો જાેડાયેલા છે. તે ચરસના વ્યવસાય સાથે ક્યારથી સંકળાયેલો છે? પોલીસ આ તમામ બાબતોની ઉંડાણ પૂર્વક તપાસ કરી રહી છે. હાલમાં આરોપી યુપીના કાનપુરથી મુંબઈમાં ચરસ વેચવા આવ્યો હતો અને મુંબઈના મલાડના માલવાણી વિસ્તારમાં રહેતો હતો. એક મહિના પહેલા પોલીસે મુંબઈના દહિસર વિસ્તારમાંથી બે ડ્રગ સ્મગલરની ધરપકડ કરી હતી. તેમની પાસેથી ત્રણ કિલોથી વધુ ગાંજાે જપ્ત કરવામાં આવ્યો હતો. અગાઉ વડાલા વિસ્તારમાં કાર્યવાહી કરતાં ૩૯ લાખ ૬૩ હજાર રૂપિયાનો ડ્રગ્સ ઝડપાયો હતો. આ કેસમાં મુંબઈ પોલીસે બે આરોપીઓની ધરપકડ કરી હતી. આરોપીઓ પાસેથી ૧ કિલો ૩૨૧ ગ્રામ ચરસ જપ્ત કરવામાં આવ્યું હતું. ધરપકડ કરાયેલા આરોપીએમાંથી એક આરોપી સામે દસ કેસ નોંધાયેલા છે. આરોપીઓના નામ ઈકબાલ શેખ અને જહાંગીર ખાન છે.