અમેરિકા
સંયુક્ત રાષ્ટ્રના મહાસચિવ એન્ટોનિયો ગુતારેસે સોમવારે યુક્રેનના ડોનેટ્સક અને લુહાન્સ્ક ક્ષેત્રોની સ્વતંત્રતાને માન્યતા આપવાના રશિયાના ર્નિણય પર ઊંડી ચિંતા વ્યક્ત કરી હતી. તેમણે કહ્યું કે મોસ્કોનો ર્નિણય યુક્રેનની પ્રાદેશિક અખંડિતતા અને સંપ્રભુતાનું ઉલ્લંઘન કરે છે અને સંયુક્ત રાષ્ટ્ર ચાર્ટરના સિદ્ધાંતોની વિરુદ્ધ છે. રશિયન પ્રમુખ વ્લાદિમીર પુતિને ડોનેટ્સક અને લુહાન્સ્ક પ્રજાસત્તાકોની સ્વતંત્રતાને માન્યતા આપતા ઓર્ડર પર હસ્તાક્ષર કર્યા. ત્યારથી યુક્રેન અને રશિયા વચ્ચે તણાવ વધી ગયો છે. યુએસએ આ પગલાની સખત નિંદા કરતા કહ્યું કે આ ર્નિણય મિન્સ્ક કરાર હેઠળ રશિયાની પ્રતિબદ્ધતાઓને સંપૂર્ણપણે રદિયો આપે છે અને તે રશિયાના દાવા સાથે વિરોધાભાસી છે. અમેરિકાએ કહ્યું કે આ યુક્રેનની સાર્વભૌમત્વ અને પ્રાદેશિક અખંડિતતા પર સ્પષ્ટ હુમલો છે. વિશ્વના ઘણા દેશોએ રશિયાના આ પગલાની ટીકા કરી છે અને તેના પર પ્રતિબંધો લગાવવાની વાત કરી છે. અમેરિકા પહેલાથી જ બંને પ્રદેશો પર પ્રતિબંધોની જાહેરાત કરી ચૂક્યું છે. બ્રિટન ટૂંક સમયમાં રશિયા પર પ્રતિબંધો લાદવા જઈ રહ્યું છે, તેથી જાપાને આ દિશામાં વિચારવાનું શરૂ કર્યું છે. યુએન ચીફના પ્રવક્તા દ્વારા જાહેર કરાયેલા નિવેદન અનુસાર, ગુતારેસે યુક્રેનના ડોનેટ્સક અને લુહાન્સ્ક ક્ષેત્રોના અમુક વિસ્તારોની સ્થિતિ અંગે રશિયન ફેડરેશનના ર્નિણયથી ચિંતિત છે. “ગુતારેસ મિન્સ્ક કરારો અનુસાર પૂર્વી યુક્રેનમાં સંઘર્ષના શાંતિપૂર્ણ ઉકેલ માટે હાકલ કરે છે,” તેમાં કહેવામાં આવ્યું છે કે ગુતારેસ રશિયન ફેડરેશનના ર્નિણયને યુક્રેનની પ્રાદેશિક અખંડિતતા અને સાર્વભૌમત્વનું ઉલ્લંઘન અને સંયુક્ત રાષ્ટ્રના ચાર્ટરના સિદ્ધાંતોની વિરુદ્ધ માને છે. પુતિનના ર્નિણય બાદ સંયુક્ત રાષ્ટ્ર સુરક્ષા પરિષદે સોમવારે રાત્રે યુક્રેન પર ઈમરજન્સી બેઠક બોલાવી હતી. આ મહિને સુરક્ષા પરિષદનું પ્રમુખપદ રશિયા પાસે છે. યુએસ સેક્રેટરી ઓફ સ્ટેટ એન્ટની બ્લિંકને જણાવ્યું હતું કે રાષ્ટ્રપતિ જાે બાયડેન એક એક્ઝિક્યુટિવ ઓર્ડર પર હસ્તાક્ષર કર્યા છે જે યુક્રેનના કહેવાતા ડોનેટ્સક અને લુહાન્સ્ક પ્રજાસત્તાકના પ્રદેશોમાં અમેરિકન લોકો દ્વારા તમામ નવા રોકાણ, વેપાર અને ભંડોળને સ્થિર કરશે. “અમે રશિયાના ઉશ્કેરણી વિનાના અને અસ્વીકાર્ય પગલાંના જવાબમાં યોગ્ય પગલાં લેવા માટે યુક્રેન અને અમારા સહયોગી અને ભાગીદારો સાથે સંકલન કરવાનું ચાલુ રાખીશું,” તેમણે કહ્યું. “રશિયાનો ર્નિણય રાષ્ટ્રપતિ પુતિન દ્વારા આંતરરાષ્ટ્રીય કાયદા અને નિયમોના ઘોર ઉલ્લંઘનનું બીજું ઉદાહરણ છે,”
