પાકિસ્તાન
પાકિસ્તાન દરરોજ એક નવી મુશ્કેલીમાં જાેવા મળે છે. આ વખતે સમસ્યા પાણીની છે. પાકિસ્તાનનો સિંધ પ્રાંત હાલમાં પાણીની અછતનો સામનો કરી રહ્યો છે. જેના કારણે થરપારકર જિલ્લાના મીઠી શહેરમાં ડઝનબંધ લોકોએ ઈમરાન ખાન સરકાર વિરુદ્ધ વિરોધ પ્રદર્શન કર્યું હતું. આ વિરોધ કૌમી અવામી તહરીક પાર્ટીના નેતૃત્વમાં થયો છે. પાર્ટીના નેતાઓએ કહ્યું કે આ સંકટ માટે જાહેર આરોગ્ય વિભાગના અધિકારીઓ સંપૂર્ણપણે જવાબદાર છે. શહેરના રહેવાસીઓને પાણીની બોટલો મોંઘા ભાવે ખરીદવાની ફરજ પડી છે. તેમણે વધુમાં જણાવ્યું હતું કે જે લોકો આવશ્યક ચીજવસ્તુઓ ખરીદી શકતા નથી તેઓને કુવાઓમાંથી અત્યંત ઝેરી પાણી પીવાની ફરજ પડી હતી. તેમણે જણાવ્યું હતું કે ઁૐઈડ્ઢ અને ખાનગી કંપનીઓના અધિકારીઓ દ્વારા ભ્રષ્ટાચારના કારણે તમામ રિવર્સ ઓસ્મોસિસ પ્લાન્ટોએ કામ કરવાનું બંધ કરી દીધું છે. પ્લાન્ટની કિંમત લગભગ ૧૫ અબજ પાકિસ્તાની રૂપિયા છે. આ વિરોધ પાકિસ્તાનમાં ચાલી રહેલા જળ સંકટ વચ્ચે આવ્યો છે અને તે દેશની સ્થિરતા માટે વિનાશક સાબિત થઈ શકે છે. ટોરોન્ટો સ્થિત થિંક ટેન્ક ઇન્ટરનેશનલ ફોરમ ફોર રાઇટ એન્ડ સિક્યોરિટી અનુસાર, પાણીની કટોકટીએ શ્રેણીબદ્ધ વિરોધ શરૂ કર્યા છે અને તે પાકિસ્તાનની બિમાર અર્થવ્યવસ્થાને નુકસાન પહોંચાડી શકે છે. ઉપરાંત, તે પ્રાંતો વચ્ચેના ઝઘડાને વધારી શકે છે. સિંધ અને બલૂચિસ્તાન પ્રાંતના ખેડૂતોએ સિંધુ નદીમાંથી તેમના હિસ્સાનું પાણી છોડવાની માંગ કરવા માટે મુખ્ય રાજમાર્ગો બ્લોક કરવાનું શરૂ કર્યું છે. થિંક ટેન્કે જણાવ્યું હતું કે સૌથી ધનાઢ્ય અને રાજકીય રીતે પ્રભુત્વ ધરાવતા પંજાબ પ્રાંત પર ઘણીવાર નદીના પાણીની સૌથી વધુ અને ગેરવાજબી રકમની ફાળવણી કરવાનો આરોપ મૂકવામાં આવે છે.
