સાવરકુંડલા. તા.
(બિપીન પાંધી દ્વારા)
સાવરકુંડલા તાલુકાની ગાધકડા પ્લોટ પ્રાથમિક શાળામા વિદ્યાર્થીઓની સંખ્યામા ઉતરોતર વધારો થતા નવા વર્ગખંડ બનાવવાની જરૂરીયાત ઉભી થયેલ, પરંતુ શાળા પાસે પુરતી જગ્યા ન હોવાથી વધારાની જગ્યા ખરીદવા માટે ગ્રામજનો દ્વારા લોકફાળો કરી રકમ એકત્ર કરવામા આવી. ગાધકડા ગ્રામજનો તથા ગાધકડા પટેલ મીત્ર મંડળ – સુરત દ્વારા રૂ. ૭૬૫૦૦૦ અંકે સાત લાખ પાસઠ હજાર જેટલી રકમ એકત્ર કરી શાળા માટે જમીનની ખરીદી કરી શાળાને ભુમિદાન સ્વરુપે અર્પણ કરેલ છે. આ સમગ્ર સેવા યજ્ઞમા ગામના અગ્રણી શ્રી લાલાદાદા, તા. પં. સભ્ય જીતુભાઈ કાછડીયા, કકુભાઈ હીરાણી, બાલુભાઈ બોરડ, ભરતભાઈ કાછડીયા તથા પટેલ મીત્ર મંડળ – સુરતના પ્રમુખ તથા તમામ સભ્યો અને ગ્રામજનો એ સહયોગ આપેલ છે. શાળાને ભુમિદાન પ્રાપ્ત થતા હવે ટુક સમયમાજ શાળામા આધુનિક સગવડતા સાથેના નવા વર્ગખંડોનુ નિર્માણ શરૂ થશે. આ સહયોગ બદલ શાળાના આચાર્ય પિયુષભાઈ જોષી તથા શાળા પરીવાર તમામનો આભાર માને છે.
