હાલમાં જ કાર્તિક આર્યન ફિલ્મ ‘ચંદુ ચેમ્પિયન’ને કારણે ચર્ચામાં રહ્યો હતો. થોડા સમય પહેલાં સમાચાર આવ્યા હતા કે કાર્તિક કરન જોહરની ફિલ્મ ‘દોસ્તાના 2’માં કામ નથી કરી રહ્યો. રિપોર્ટ્સમાં દાવો કરવામાં આવ્યો હતો કે કેટલાક અણબનાવને કારણે કાર્તિક અને કરન અલગ થઈ ગયા હતા.
હવે કાર્તિકે આ મુદ્દે દિવ્ય ભાસ્કર સાથે વાત કરી છે. કાર્તિક કહે છે કે ‘તે ઇન્ડસ્ટ્રીમાં કામ કરવા આવ્યો છે, મિત્રતા માટે નહીં. સાથે એમ પણ કહ્યું કે પ્રોફેશનલ લાઈફમાં મિસ કોમ્યુનિકેશન થતું રહે છે.’
તે જ સમયે ફિલ્મ ‘ચંદુ ચેમ્પિયન’ની સફળતા પછી ડિરેક્ટર કબીર ખાને પણ અમારી સાથે વાત કરી. તેમણે અનુરાગ કશ્યપના નિવેદન પર પોતાનો અભિપ્રાય આપ્યો, જેમાં અનુરાગે કહ્યું હતું કે આજકાલ ફિલ્મો નહીં પણ પ્રોજેક્ટ બને છે.
