દેશની રાજધાની દિલ્હીના ઇન્દિરા ગાંધી આંતરરાષ્ટ્રીય એરપોર્ટ પરથી કસ્ટમ વિભાગે સોનાની દાણચોરીના કેસમાં કોંગ્રેસના નેતા શશિ થરૂરના પૂર્વ સહાયક શિવકુમારની ધરપકડ કરી લીધી છે, સૂત્રોના જણાવ્યા અનુસાર શિવ કુમાર તેના એક માણસ પાસેથી વિદેશથી લાવેલું સોનું હેન્ડઓવર લઈ રહ્યો હતો તે દરમિયાન તે કસ્ટમ ઓફિસરના હાથે ઝડપાઈ ગયો.
આ ઘટના અંગે જાણ થતાજ શશી થરૂરે જણાવ્યું હતું કે, મારા સ્ટાફના ભૂતપૂર્વ સભ્ય સાથે સંકળાયેલી એક ઘટના વિશે સાંભળીને હું ચોંકી ગયો હતો, જે મને એરપોર્ટ સુવિધા સહાયના સંદર્ભમાં પાર્ટ-ટાઈમ સેવા આપી રહ્યો છે. તે ૭૨ વર્ષીય નિવૃત્ત છે જે વારંવાર ડાયાલિસિસમાંથી પસાર થતો હતો અને તેને ચાલુ રાખવામાં આવ્યો હતો. અંશકાલિક ધોરણે હું કોઈપણ કથિત ગેરરીતિને માફ કરતો નથી અને આ બાબતની તપાસ કરવા માટે જરૂરી પગલાં લેવા માટે અધિકારીઓને સંપૂર્ણ સમર્થન આપું છું.
થોડા દિવસ પહેલાજ ઇન્દિરા ગાંધી આંતરરાષ્ટ્રીય એરપોર્ટ પરથી કસ્ટમ વિભાગે સોનાની દાણચોરીના કેસમાં પાંચ ઉઝબેક નાગરિકોની ધરપકડ કરી હતી. ગયા ગુરુવારે (૨૨ મે) મુંબઈથી આવ્યા બાદ ઇન્દિરા ગાંધી આંતરરાષ્ટ્રીય એરપોર્ટના ટમિર્નલ ૧ પર પહોંચ્યા પછી તેને રોકી દેવામાં આવ્યો હતો. તમામ આરોપીઓ કસ્ટમ વિભાગની નજરથી બચીને મુંબઈ એરપોર્ટ પર ઈન્ટરનેશનલ અરાઈવલને બદલે દિલ્હીના ડોમેસ્ટિક ટમિર્નલ મારફતે દુબઈથી ખરીદેલું સોનું દાણચોરી કરવા માંગતા હતા.
તે સમયે કસ્ટમ વિભાગે તે સમયે એક નિવેદન બહાર પાડીને કહ્યું હતું કે, મુંબઈથી આવતા મુસાફરોને ઉતર્યા પછી કસ્ટમ વિભાગના અધિકારીઓ દ્વારા નવી દિલ્હીના ઇન્દિરા ગાંધી આંતરરાષ્ટ્રીય એરપોર્ટના ટમિર્નલ-૩ સ્થિત કસ્ટમ ઓફિસમાં લાવવામાં આવ્યા હતા. વ્યક્તિઓ અને સામાનની તપાસ કર્યા પછી ૨.૮ કિલો વજનની નવ સોનાની ચેન મળી આવી હતી, એમ નિવેદનમાં જણાવાયું છે. ઝડપાયેલા સોનાની કુલ કિંમત ૧.૯૨ કરોડ રૂપિયા છે.