“ઇટ્સ ટાઈમ ફોર એક્શન” થીમ અંતર્ગત લીવર સાથે સંકળાયેલ હીપેટાઇટિસ રોગના પ્રકારો, અને રોગ નાં ઉપાયો અને સારવાર વિશે લોકો માં જાગૃતતા આવે તે તે માટે ૨૮ જુલાઈ ને વિશ્વભરમાં વિશ્વ હીપેટાઇટિસ દિવસ તરીકે ઉજવવામાં આવે છે જેનાં ભાગરૂપે આજે તારીખ ૨૬ જુલાઇ નાં રોજ જિલ્લા જનરલ હોસ્પિટલ છોટાઉદેપુર ખાતે હિપેટાઇટિસ બી નો વેક્સિનેશન કાર્યક્રમ ઉપરાંત જિલ્લા ક્ષય કેન્દ્ર છોટાઉદેપુર ખાતે તથા નર્સિંગ કોલેજ છોટાઉદેપુર ખાતે સેમિનાર યોજાયો હતો
વિશ્વ હિપેટાઇટિસ દિવસ નાં દિવસે લોકો ને આ ગંભીર બિમારી વિશે જાગૃત કરવા માં આવે છે, કારણ કે આપણે જાણીએ છીએ કે તે એક લીવર સંબંધિત ગંભીર રોગ છે, જેનાથી વિશ્વ માં દરવર્ષે હજારો લોકો નાં મોત થાય છે.
હિપેટાઈટિસ વાઇરસ નાં પાંચ પ્રકારો છે જેમ કે હિપેટાઈટિસ એ,બી,સી,ડી અને ઈ તેની સમયસર સારવાર ન થાય ત્યારે હિપેટાઇટિસ ની અસરો નાં લીધે લીવરનું કાર્ય ધીરેધીરે નબળું પડે છે અને ગંભીર અસરો માં લીવર નિષ્ફળ થઈ જાય છે તેવા કેસોમાં લીવર સિરોસિસ અથવા લીવર કેન્સર જેવા ગંભીર રોગો તરફ દોરી જાય છે, વર્લ્ડ હેલ્થ ઓર્ગેનાઈઝ (WHO) નાં એક સર્વે મુજબ જો હિપેટાઇટિસ બી અને સી નું નિદાન સારવાર તાત્કાલિક કરવામાં ન આવે તો પિડીત લીવર સિરોસિસ જેવી ગંભીર સમસ્યાઓનો ભોગ બની શકે છે આવી સ્થિતિમાં લીવર સંકોચાવા લાગે છે અને તેના કોષો બગડવા લાગે છે અને આવી સ્થિતિમાં લીવર કામ કરવા નું બંધ કરી દે છે જેને મેડિકલ ભાષામાં લીવર ફેલ્યર કહેવામાં આવે છે આ કાર્યક્રમમાં જિલ્લા ક્ષય અધિકારી ડો ભરતસિંહ ચૌહાણ દ્વારા હિપેટાઇટિસ વિશે સવિસ્તૃત જાણકારી આપવામાં આવી હતી.
વિશ્વ હીપેટાઇટિસ દિવસ નિમિત્તે યોજાયેલા કાર્યક્રમમાં અધિક જિલ્લા આરોગ્ય અધિકારી ડો.સીબી ચૌબીસા ઉપરાંત જિલ્લા ક્ષય અધિકારી ડો ભરતસિંહ ચૌહાણ, જિલ્લા તાલીમ કેન્દ્ર નાં સિનિયર મેડિકલ ઓફિસર ડો.આશિષ બારીયા તાલુકા આરોગ્ય અધિકારી ડો મનહર રાઠવા, શહેર આરોગ્ય કેન્દ્ર ના મેડિકલ ઓફિસર ડો. હિરલ રાઠવા, જિલ્લા ડીઆરટીબી અને ટીબીએચઆઈવી કો-ઓર્ડીનેટર વાલસિંગભાઈ રાઠવા એસઆઈ રાજુભાઇ રાઠવા સાથે આશા સહિત આરોગ્ય કર્મચારીઓ નર્સિંગ કોલેજ નાં પ્રિન્સિપાલ ભાવનાબેન જોષી, તથા ટયુટર રંજનબેન રાઠવા, જિલ્લા પ્રોગ્રામ કો-ઓર્ડિનેટર કુલદીપસિંહ ગોહિલ, ડાપકુ વડોદરા ખાતે થી ભરતભાઈ પરમાર , વિહાન પ્રોજેક્ટ ના વેચાતભાઈ રાઠવા, વિકલ્પ સ્ત્રી સંગઠન ના પ્રોજેક્ટ ઓફીસર ઈશ્વરભાઈ રાઠવા, મોડ ઇન્ડિયા એનજીઓ ના રમણભાઈ રાઠવા સહિત ની સમગ્ર ટીમ તેમજ જિલ્લા ક્ષય કેન્દ્ર છોટાઉદેપુર નાં કર્મચારીઓ અને એઆરટી સેન્ટર જનરલ હોસ્પિટલ છોટાઉદેપુર નાં મયુરભાઈ ચૌહાણ અને આઇસીટીસી કાઉન્સિલર સંજયભાઈ રાઠવા, પ્રવિણ ભાઇ પટેલ,કલેસિંગભાઇ રાઠવા, સહિત તમામ આઇસીટીસી લેબ ટેક, એસટીઆઈ કાઉન્સિલર અનિલ સુતરીયા અને નર્સિંગ કોલેજ છોટાઉદેપુર નાં તાલીમાર્થી ઓ મોટી સંખ્યામાં ઉપસ્થિત રહ્યા હતા.