ચરણો પખાળે ત્યાં સાગર ગંભીર….મારા દ્વારકાના નાથની તો વાત જ ન થાય રાજભા ગઢવીના આ ગીત ઉપર ૫૦૦ રૂ.ની ચલણી નોટોનો વરસાદ થયો.
રાજભા ગઢવી, રેખા વાળા, નિકિતા ગોહિલ ઉપર નોટોના બંડલની આંબરડી ગામે વર્ષા થઈ
સા.કુંડલા માનવ મંદિરના પૂ. ભક્તિરામ બાપુ, APMC ચેરમેનશ્રી દીપકભાઈ માલાણી, ભયલુભાઈ જાબાળ સહિત આગેવાનો ઉપસ્થિત રહ્યા.
સાવરકુંડલાના આંબરડી ગામે તા. ૧૮/૧૧/૨૪ ને સોમવારના રોજ રાધેશ્યામ બાપુની વાડીમાં શ્રી જોગેશ્વરી મહાદેવ મંદિરના પુનઃ જીર્ણોધ્ધાર અવસરે ભવ્ય લોક ડાયરાનું આયોજન કરવામાં આવ્યું હતું. જેમાં લોક સાહિત્યકાર રાજભા ગઢવીએ મોડી રાત સુધી હજારોની મેદનીને ડોલાવી હતી. રાજભા ગઢવીનું લોકપ્રિય ભજન ચરણો પખાળે ત્યાં સાગર ગંભીર…મારા દ્વારકાના નાથની તો વાત જ ન થાય…. આ ભજન શરૂ થતાં રૂ.૫૦૦ – ૫૦૦ ની ચલણી નોટોનો રીતસર વરસાદ વરસ્યો હોય તેમ સ્ટેજ ઉપર ચલણી નોટોના ઢગલા થયા હતા.
મંદિરના પૂજારી નિત્યાનંદબાપુ ગુરુશ્રી રાધેશ્યામબાપુની જગ્યામાં આવેલ શ્રી જોગેશ્વરી મહાદેવ મંદિરના પુનઃ જીર્ણોધ્ધાર અવસરે આયોજક શૈલેષભાઈ નિત્યાનંદબાપુ દ્વારા લોકડાયરાનું ભવ્ય આયોજન કરવામાં આવ્યુ હતુ જેમાં ઉપસ્થિત કલાકારોમાં રાજભા ગઢવી, રેખા વાળા, નિકિતા ગોહિલ સહિત કલાકારો દ્વારા હજારોની સંખ્યામાં ઉપસ્થિત જનમેદનીએ લોક ડાયરાની મજા માણી હતી. આ ડાયરા પ્રસંગે સાવરકુંડલા માનવ મંદિરના પૂ.ભક્તિરામ બાપુ, સા.કુંડલા APMC ચેરેમનશ્રી દીપકભાઈ માલાણી, ભયલુભાઈ જાબાળ સહિત દૂર દૂર મહેમાનો, ગ્રામજનો અને સાધુ, સંતો લોક ડાયરામાં ઉપસ્થિત રહ્યા હતા.
આયોજક શૈલેષભાઈ પરમાર દ્વારા મહાદેવ મંદિરના પુનઃ જીર્ણોધ્ધાર સહિત ડાયરાનું ભવ્ય આયોજન કરવામાં આવ્યું હતું ત્યારે રૂ. ૧૦, ૨૦, ૧૦૦ અને ૫૦૦ રૂ.ની નોટોનો વર્ષા થઇ હતી. ગામના યુવાનો દ્વારા સમગ્ર કાર્યક્રમ દરમિયાન અનેરી સેવા પ્રવૃત્તિમાં જોડાઈ જીર્ણોધ્ધાર અવસરને સફળ બનાવ્યો હતો.એમ સુભાષ સોલંકીની એક અખબારી યાદીમાં જણાવવામાં આવ્યું હતું
બિપીન પાંધી સાવરકુંડલા