માંડવી પોલીસ સ્ટેશન વિસ્તારમાં લોકલ ક્રાઈમ બ્રાન્ચ પશ્ચિમ કચ્છ-ભુજે ઓનલાઈન ક્રિકેટ સટ્ટાના કેસમાં એક શખ્સની ધરપકડ કરી છે.
પોલીસે આરોપી પાસેથી કુલ ₹26,300નો મુદ્દામાલ જપ્ત કર્યો છે. એલસીબી ઈન્ચાર્જ પોલીસ ઈન્સ્પેક્ટર એચ.આર.જેઠી અને પીએસઆઈ જે.બી.જાદવની સૂચના મુજબ પેટ્રોલિંગ દરમિયાન પોલીસને બાતમી મળી હતી.
બાતમી મુજબ માંડવી નગરપાલિકા સામે આશિફ ઈકબાલ બકાલી નામનો શખ્સ ક્રિકેટ સટ્ટો રમી રહ્યો હતો.
પોલીસે તાત્કાલિક કાર્યવાહી કરીને આરોપીને R777.COM નામની વેબસાઈટ પર TNPL ક્રિકેટ મેચનો સટ્ટો રમતા પકડ્યો હતો.
આરોપી પાસેથી ₹7,000નું ઓનલાઈન બેલેન્સ, ₹9,300 રોકડા અને ₹10,000ની કિંમતનો મોબાઈલ જપ્ત કરવામાં આવ્યો છે.
પૂછપરછમાં જાણવા મળ્યું કે આરોપીને આ આઈડી કપિલ માલમ (ખોખારી) પાસેથી મળી હતી.
પોલીસે 32 વર્ષીય આશિફ ઈકબાલ બકાલી (રહે. ધવલપાર્ક, માંડવી)ની ધરપકડ કરી છે, જ્યારે કપિલ માલમની ધરપકડ બાકી છે.
આ મામલે માંડવી પોલીસ સ્ટેશનમાં જુગારધારા હેઠળ ગુનો નોંધી વધુ તપાસ હાથ ધરવામાં આવી છે.