ગુજરાત ક્ષત્રિય ઠાકોર સેના અને OBC એકતા મંચે શૈક્ષણિક ક્ષેત્રે નવી પહેલ કરી છે. સંસ્થા રાજ્યભરમાં 17 હજારથી વધુ વિદ્યાર્થીઓને વિનામૂલ્યે શૈક્ષણિક કીટનું વિતરણ કરી રહી છે.
ખેડા જિલ્લાના ગળતેશ્વર તાલુકાના સેવાલીયા ખાતે વિશેષ વિતરણ કાર્યક્રમ યોજાયો હતો. કાર્યક્રમમાં ઠાકોર સેના પ્રમુખ અલ્પેશ ઠાકોર ઉપસ્થિત રહ્યા હતા.
બાયડના ધારાસભ્ય ધવલસિંહ ઝાલા અને ઠાસરાના ધારાસભ્ય યોગેન્દ્રસિંહ પરમાર પણ હાજર રહ્યા હતા.
ઓબીસી એકતા મંચના ઉપાધ્યક્ષ મુકેશ ભરવાડ તેમજ ગળતેશ્વર તાલુકા પંચાયત પ્રમુખ અને એપીએમસી ચેરમેન પણ કાર્યક્રમમાં જોડાયા હતા.
આ કાર્યક્રમમાં ગળતેશ્વર તાલુકાના 1500 જેટલા જરૂરિયાતમંદ વિદ્યાર્થીઓને શૈક્ષણિક કીટ આપવામાં આવી હતી.
વિશેષ રૂપે, 560 અનાથ બાળકોને પણ શૈક્ષણિક કીટ અર્પણ કરવામાં આવી હતી. કાર્યક્રમમાં મોટી સંખ્યામાં લોકોએ હાજરી આપી હતી.
