રાજ્ય સરકારે નડિયાદ મહાનગરપાલિકાની ચૂંટણી માટે વોર્ડ અને બેઠકોના રોટેશનનું જાહેરનામું પ્રસિદ્ધ કર્યું છે.
શહેરી વિકાસ અને શહેરી ગૃહનિર્માણ વિભાગે 9 જુલાઈએ આ જાહેરનામું બહાર પાડ્યું છે.
નડિયાદને 1 જાન્યુઆરી 2025થી મહાનગરપાલિકાનો દરજ્જો મળ્યો છે. મુખ્યમંત્રી ભુપેન્દ્ર પટેલે 2024ના બજેટ સત્રમાં આ જાહેરાત કરી હતી.
જી.એચ. સોલંકીની મનપા કમિશનર તરીકે નિમણૂક કરાઈ છે. નવી વ્યવસ્થામાં નડિયાદ મનપામાં 13 વોર્ડ રહેશે.
દરેક વોર્ડમાં 4 બેઠક મળી કુલ 52 બેઠકો નિર્ધારિત કરાઈ છે. કુલ બેઠકોમાંથી 26 બેઠકો મહિલાઓ માટે અનામત છે.
અનુસૂચિત જાતિ માટે 3 બેઠકો અનામત છે. તેમાંથી 1 બેઠક અનુસૂચિત જાતિની મહિલા માટે રખાઈ છે.
અનુસૂચિત જનજાતિ માટે 1 બેઠક અનામત છે. ઓબીસી વર્ગ માટે 14 બેઠકો અનામત છે. તેમાંથી 7 બેઠકો ઓબીસી મહિલાઓ માટે નિર્ધારિત કરાઈ છે.
અડધા વર્ષના વિલંબ બાદ આ જાહેરનામું બહાર પડાયું છે. ચોમાસા બાદ અને દિવાળી પછી ચૂંટણી યોજાવાની શક્યતા છે.
જાહેરનામા પછી ચૂંટણી લડવા ઈચ્છુક ઉમેદવારોની ગતિવિધિઓ વધશે તેવું મનાય છે.