ધરમસિંહ દેસાઈ યુનિવર્સિટી, નડિયાદ ખાતે જિલ્લા કક્ષાનો ઔદ્યોગિક રોજગાર ભરતી મેળો અને સ્વરોજગાર શિબિરનું આયોજન થયું.
આ મેળામાં 20 નોકરીદાતાઓએ 591 ઉમેદવારોમાંથી 464 યુવાનોની પ્રાથમિક પસંદગી કરી હતી.
નડિયાદના ધારાસભ્ય પંકજભાઈ દેસાઈએ જણાવ્યું કે, ખેડા જિલ્લામાં અનુબંધન પોર્ટલ પર 15,112 રોજગારવાંચ્છુ અને 1,518 નોકરીદાતાઓની નોંધણી થઈ છે.
વર્ષ 2024-25માં 194 નોકરીદાતાઓએ 2,218 યુવાનોને રોજગારી આપી છે.
સરકાર દ્વારા યુવાનોને રૂ. 3,000ના સ્ટાઇપેન્ડ સાથે પૂર્વ સંરક્ષણ દળની નિઃશુલ્ક તાલીમ આપવામાં આવે છે. ગત વર્ષે 30 યુવાનોએ આ તાલીમનો લાભ લઈ લશ્કરી ક્ષેત્રે જોડાવાનું નક્કી કર્યું.
મેળામાં સફળ રહેલા ઉમેદવારોમાં મિલોનીબેન ભટ્ટને જુનિયર ક્લાર્ક અને મિહિર સોલંકીને કેમિસ્ટની નોકરી મળી.
કાર્યક્રમમાં મનપા કમિશનર જી.એચ.સોલંકી, જિલ્લા વિકાસ અધિકારી જયંત કિશોર સહિત અન્ય અધિકારીઓ હાજર રહ્યા.
જિલ્લા કક્ષાએ 24 સ્વરોજગાર શિબિરનું આયોજન કરી યુવાનોને રોજગારલક્ષી કાર્યક્રમો અને યોજનાઓની માહિતી આપવામાં આવી.
ધારાસભ્યએ યુવાનોને પ્રધાનમંત્રી ઈન્ટર્નશીપ યોજના, મુખ્યમંત્રી એપ્રેન્ટિસ યોજના અને વિવિધ સરકારી યોજનાઓનો લાભ લેવા અપીલ કરી હતી.
