પાલનપુર નગરપાલિકાએ શહેરના વરસાદથી ક્ષતિગ્રસ્ત થયેલા માર્ગોની મરામત કામગીરી શરૂ કરી છે. નગરપાલિકાએ વાહન ચાલકોની સુવિધા માટે તાત્કાલિક પગલાં લીધા છે.
મરામત કામગીરી હેઠળના મુખ્ય માર્ગોમાં વોર્ડ નંબર 8માં દેવપુરા ગામ તરફનો મુખ્ય માર્ગ અને લક્ષ્મીપુરા માર્ગ સામેલ છે.
વોર્ડ નંબર 11માં ગણેશપુરા રોડ, વોર્ડ નંબર 7માં હાઈ-વે હનુમાન ટેકરીથી સુખબાગ રોડ સુધીનો માર્ગ છે.
વોર્ડ નંબર 2માં બસ સ્ટેશન માર્ગ, વોર્ડ નંબર 6માં ગોબરી રોડ અને વોર્ડ નંબર 10માં ડેરી રોડનો સમાવેશ થાય છે.
બનાસકાંઠા જિલ્લામાં નગરપાલિકા, માર્ગ અને મકાન વિભાગ સ્ટેટ તથા પંચાયત સંયુક્ત રીતે કામગીરી કરી રહ્યા છે.
વરસાદથી ક્ષતિગ્રસ્ત થયેલા રસ્તાઓનું રિપેરિંગ, રિસરફેસિંગ અને મેટલવર્ક કરવામાં આવી રહ્યું છે.
નગરપાલિકાનું મુખ્ય લક્ષ્ય ચોમાસા દરમિયાન નાગરિકોને અવરજવરમાં કોઈ તકલીફ ન પડે તે છે.
માર્ગો પર પડેલા ખાડાઓને પૂરવાની કામગીરી ઝડપથી પૂર્ણ કરવામાં આવી રહી છે. આ કામગીરીથી વાહનચાલકોને સરળ અવરજવર મળશે.